ថ្ងៃសៅរ៍ ទី២៧ ខែមេសា ឆ្នាំ២០២៤
ថ្ងៃសៅរ៍ ទី២៧ ខែមេសា ឆ្នាំ២០២៤
ប្រទេសកូរ៉េខាងត្បូងបានជម្រុញអោយពលរដ្ឋរបស់ខ្លួនចាក់វ៉ាក់ស៊ាំងប្រឆាំងនឹងផ្តាសាយដើម្បីកាត់បន្ថយឱកាសផ្ទុះជំងឺផ្តាសាយស្របពេលដែលកូរ៉េខាងត្បូងកំពុងប្រយុទ្ធប្រឆាំងនឹងជំងឺកូវីដ១៩។
ប៉ុន្តែកង្វល់មហាជននៅប្រទេសកូរ៉េខាងត្បូងបានកើនឡើងចំពោះសុវត្ថិភាពវ៉ាក់ស៊ាំងផ្តាសាយ បន្ទាប់ពីមានមនុស្សយ៉ាងតិច៤៨នាក់ស្លាប់នៅក្នុងខែតុលានេះ ក្រោយពួកគេចាក់វ៉ាក់ស៊ាំងផ្តាសាយ។ អ្វីដែលគេបានកត់សម្គាល់រំលឹកឡើងវិញនោះ កាលពីខែមុនវ៉ាក់ស៊ាំងផ្តាសាយប្រហែល៥លានដូសត្រូវបោះចោលបន្ទាប់ពីវ៉ាក់ស៊ាំងទាំងនោះមិនបានរក្សាទុកទៅតាមកម្រិតសីតុណ្ហភាពដែលគេបានណែនាំ។
ទាក់ទងនឹងបញ្ហានេះដែរ អាជ្ញាធរកូរ៉េខាងត្បូងបានអោយដឹងថា អាជ្ញាធររកមិនឃើញមានការជាប់ទាក់ទងផ្ទាល់រវាងអ្នកស្លាប់ និងការចាក់វ៉ាក់ស៊ាំងផ្តាសាយឡើយ។
ប្រែសម្រួល៖ណាវ័ន្ត