ថ្ងៃសៅរ៍ ទី២៧ ខែមេសា ឆ្នាំ២០២៤
ថ្ងៃសៅរ៍ ទី២៧ ខែមេសា ឆ្នាំ២០២៤
ពាក់ព័ន្ធនឹងស្ថានការណ៍វិវត្តចុងក្រោយនៃជំងឺ ខូវីដ១៩ នៅលើពិភពលោក។ ទ្វីបអឺរ៉ុប ទាំងអឺរ៉ុបខាងលិច និងខាងកើត ចាប់ផ្ដើមជួបប្រទះនឹងការឆ្លងរាលដាលយ៉ាងគំហុកជាថ្មីម្ដងទៀត។ ជាក់ស្ដែង ចក្រភពអង់គ្លេស បារាំង អ៊ីតាលី អាល្លឺម៉ង់ ព័រទុយហ្កាល់ សាធារណរដ្ឋឆេក ស្លូវ៉ាគី អេស្ប៉ាញ រុស្ស៊ី ។ល។ និង ។ល។ បាន និងកំពុងតែរកឃើញអត្រាឆ្លងប្រចាំថ្ងៃខ្ពស់ជាងមុន។ ពលរដ្ឋរាប់សិបលាននាក់នៅទូទាំងទ្វីបនេះត្រូវទ្រាំរស់នៅពិបាកបន្តិចដោយសារអាជ្ញាធរអនុវត្តវិធានការរឹតត្បិត។
ប្រទេសបារាំងអាជ្ញាធរត្រៀមចែកម៉ាស់១លានបន្ទះដោយឥតគិតថ្លៃ និងដាក់បម្រាមគោចរនៅទីក្រុងប៉ារីស និងទីក្រុង៨ទៀត ដែលប្រឈមនឹងហានិភ័យខ្ពស់។
នៅអ៊ីតាលី អាជ្ញាធរដាក់ពង្រាយកម្លាំងសមត្ថកិច្ចដើម្បីពង្រឹងការអនុវត្តបម្រាមគោចរនៅពេលយប់។ ដងផ្លូវនានានៃទីក្រុងរ៉ូម និងទីក្រុងដទៃទៀត ពោរពេញដោយភាពស្ងាត់ជ្រងំ ព្រោះប្រជាពលរដ្ឋត្រូវតែស្នាក់នៅក្នុងផ្ទះចាប់ពីម៉ោង៩យប់ដល់ម៉ោង៥ជិតភ្លឺ។ ប្រទេសដទៃទៀតនៃទ្វីបអឺរ៉ុបក៏អនុវត្តវិធានការស្រដៀងគ្នានេះ ឬរឹតតែតឹងរ៉ឹងជាងនេះទៅទៀត៕
ប្រែសម្រួល៖ អន សំអាង