ថ្ងៃសៅរ៍ ទី២៧ ខែមេសា ឆ្នាំ២០២៤
ថ្ងៃសៅរ៍ ទី២៧ ខែមេសា ឆ្នាំ២០២៤
រដ្ឋមន្ត្រីក្រសួងទេចរណ៍ ឯកឧត្តម ថោង ខុន និងប្រធានគណៈកម្មការអប់រំ យុវជន ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា ឯកឧត្តម ហ៊ុន ម៉ានី បានអំពាវនាវដោយទទូចសូមឱ្យភាគីពាក់ព័ន្ធ និងប្រជាពលរដ្ឋ បន្តបង្កើនការប្រុងប្រយ័ត្នជំងឺឆ្លងកូវីដ១៩ និងគ្រោះថ្នាក់ចរាចរណ៍ សម្រាប់ឱកាសឈប់សំរាកជំនួសថ្ងៃចូលឆ្នាំនាសប្ដាហ៍ក្រោយនេះ។
សូមបញ្ជាក់ថាការថ្លែងអំពាវនាវពីរដ្ឋមន្ត្រីក្រសួងទេសចរណ៍ និងប្រធានគណៈកម្មការជំនាញរដ្ឋសភាយ៉ាងដូច្នេះបានធ្វើឡើងបន្ទាប់ពីបញ្ចប់ពិភាក្សាអំពីវិធានការជាដំណោះស្រាយចំពោះវិស័យទេសចរណ៍ក្នុងបរិបទកូវីដ១៩ និងក្រោយកូវីដ១៩ ព្រមទាំងពិនិត្យលទ្ធភាព បង្កើនសកម្មភាពទេសចរណ៍។
រាជរដ្ឋាភិបាលបានចេញអនុក្រឹត្យកំណត់ថ្ងៃឈប់សំរាកសងជំនួសថ្ងៃបុណ្យចូលឆ្នាំថ្មីប្រពៃណីជាតិ ចាប់ពីថ្ងៃទី១៧ ដល់ថ្ងៃទី២១ ខែសីហានេះ។ គឺព្រោះតែព្រួយបារម្ភពីហានីភ័យនៃការឆ្លងជំងឺកូវីដ១៩នោះហើយដែលរាជរដ្ឋាភិបាលសម្រេចមិនអនុញ្ញាតឱ្យមន្ត្រីរាជការ និងបុគ្គលិក កម្មករ វិស័យឯកជន ឈប់សំរាកនាថ្ងៃចូលឆ្នាំ៕
អត្ថបទ៖ រ៉េន រតនៈ រូបភាព៖ សែត ប៊ុនថាន់