ធនាគារពិភពលោក បានកែប្រែការព្យាករណ៍កំណើនរបស់ខ្លួន សម្រាប់សេដ្ឋកិច្ចរបស់ប្រទេសថៃ ដោយព្យាករថា នឹងមានការកើនឡើង ១,៦% នៅឆ្នាំ ២០២៥ ដែលធ្លាក់ចុះពី ២,៩% ពីការព្យាករពេលមុន។

អនុរដ្ឋមន្ត្រីក្រសួងហិរញ្ញវត្ថុ បានចាត់ទុកថា ការសម្រេចចិត្តនាពេលថ្មីៗនេះរបស់ធនាគារពិភពលោកក្នុងការកាត់បន្ថយការព្យាករកំណើនផលិតផលក្នុងស្រុកសរុប ឆ្នាំ ២០២៥ របស់ប្រទេសថៃ ត្រឹម ១,៦% ដែលហៅថាការទម្លាក់ចំណាត់ថ្នាក់លឿនពេក មុនកាលកំណត់។

លោកបានសង្កត់ធ្ងន់លើ តម្រូវការជាមុន ដើម្បីវាយតម្លៃផលប៉ះពាល់នៃ វិធានការពន្ធគយរបស់សហរដ្ឋអាមេរិក និងការចរចាពាណិជ្ជកម្មដែលកំពុងបន្តរវាងប្រទេសថៃ និងសហរដ្ឋអាមេរិក មុនពេលធ្វើការសន្និដ្ឋានយ៉ាងម៉ឺងម៉ាត់អំពី សេដ្ឋកិច្ចថៃ។

ជាមួយគ្នានេះ ការិយាល័យគោលនយោបាយសារពើពន្ធ នឹងប្រកាសតួលេខដែលបានធ្វើបច្ចុប្បន្នភាពក្នុងពេលឆាប់ៗនេះ ដោយសង្កត់ធ្ងន់លើសារៈសំខាន់នៃ ការតាមដានយ៉ាងដិតដល់នូវ អតុល្យភាពពាណិជ្ជកម្មសកល និងផលប៉ះពាល់ចំពោះប្រទេសថៃ។

សេដ្ឋវិទូជាន់ខ្ពស់នៅធនាគារពិភពលោកប្រទេសថៃ បានសង្កត់ធ្ងន់លើសារៈសំខាន់នៃការពង្រឹងភាពធន់នឹងសារពើពន្ធ តាមរយៈការធ្វើឱ្យប្រសើរឡើងនូវ ប្រសិទ្ធភាពនៃការប្រមូលចំណូល និងការចំណាយថវិកាគោលដៅ។

សូមជម្រាបថា ធនាគារពិភពលោកព្យាករថា ការមកដល់របស់ភ្ញៀវទេសចរ នឹងកើនឡើងដល់ ៤១លាននាក់នៅឆ្នាំ ២០២៥ ដែលលើសពីកំណត់ត្រា ៤០លាននាក់ក្នុងឆ្នាំ ២០១៩៕

អត្ថបទ៖ ងួន សុភ័ត្រ្តា រូបភាព៖ ឯកសារ