ថ្ងៃសៅរ៍ ទី២៩ ខែមីនា ឆ្នាំ២០២៥
ថ្ងៃសៅរ៍ ទី២៩ ខែមីនា ឆ្នាំ២០២៥
រញ្ជួយដីកម្លាំង៤,២រ៉ិចទ័រ បានវាយប្រហារខេត្តHebei (ហ៊ឺប៉ី) ភាគខាងជើង ប្រទេសចិន នៅវេលាម៉ោង១និង២១នាទី(ម៉ោងនៅទីក្រុងប៉េកាំង)នៅព្រឹកថ្ងៃពុធ។ យោងមជ្ឈមណ្ឌលបណ្តាញរញ្ជួយដីរបស់ប្រទេសចិន(CENC)។
របាយការណ៍ពីមជ្ឈមណ្ឌលCENCឱ្យដឹងថា ទីតាំងរញ្ជួយដីស្ថិតនៅ៣៩,៤២ដឺក្ររយៈទទឹងខាងជើងនិង១១៦,៦០ដឺក្រេរយៈបណ្តោយខាងកើត។ រញ្ជួយដី ស្ថិតនៅជម្រៅ២០គីឡូម៉ែត្រ។
កម្លាំងរញ្ជួយ ញ័រទៅដល់ទីក្រុងប៉េកាំង ហើយប្រជាជនជាច្រើននៅទីក្រុងនេះ ទទួលបានសារព្រមានពីរញ្ជួយដី។
នៅត្រឹមម៉ោង៣ព្រឹកថ្ងៃពុធ រញ្ជួយដីកម្លាំងតូចៗចំនួន៥ បានកើតឡើងជាបន្តបន្ទាប់ពីរញ្ជួយដីនេះ។
មិនមានការរាយការណ៍ពីមនុស្សរងរបួស,ស្លាប់ ឬខូចខាតទ្រព្យសម្បត្តិដែលកើតឡើងពីរញ្ជួយដីនេះឡើយ។
ប្រែសម្រួល៖ណាវ័ន្ត
