ថ្ងៃច័ន្ទ ទី៣១ ខែមីនា ឆ្នាំ២០២៥
ថ្ងៃច័ន្ទ ទី៣១ ខែមីនា ឆ្នាំ២០២៥
រដ្ឋអាជ្ញារបារាំង បានស្នើរនៅថ្ងៃព្រហស្បតិ៍(២៧មីនា)ថា លោកNicolas Sarkozyអតីតប្រធានាធិបតីបារាំង បានដាក់ទោសពន្ធនាគារ៧ឆ្នាំ និងបង់ប្រាក់ពិន័យចំនួន៣០០,០០០អ៊ឺរ៉ូពាក់ព័ន្ធនឹងការទទួលហិរញ្ញវត្ថុពីមេដឹកនាំប្រទេសលីប៊ីសម្រាប់យុទ្ធនាការបោះឆ្នោតប្រធានាធិបតីបារាំងដែលលោកបានជាប់ឆ្នោតក្នុងឆ្នាំ២០០៧។
លោក Sarkozy ត្រូវបានចោទប្រកាន់ថា លោកទទួលលុយរាប់លានអ៊ឺរ៉ូពាក់ព័ន្ធនឹងការទទួលហិរញ្ញវត្ថុខុសច្បាប់ពីអតីតបុរសខ្លាំងប្រទេសលីប៊ី លោកMuammar Gaddafi។ អតីតប្រធានាធិបតីបារាំងរូបនេះ ត្រូវបានកាត់ទោសតាំងពីខែមករាពីបទចោទជាច្រើនមាន លាក់បាំងបន្លំថវិកាសាធារណៈ,ពុករលួយ,ទទួលហិរញ្ញវត្ថុយុទ្ធនាការបោះឆ្នោតខុសច្បាប់ និងឃុបឃិតប្រព្រឹត្តិបទល្មើស។
អតីតប្រធានាធិបតីស្តាំនិយមកណ្តាលរូបនេះ ត្រូវបានជាប់នៅក្នុងវិវាទផ្លូវច្បាប់ជាច្រើនចាប់តាំងពីបានចាកចេញពីតំណែងក្នុងឆ្នាំ២០១២។ លោកSarkozy អាយុ៧០ឆ្នាំ ដឹកនាំប្រទេសបារាំងពីឆ្នាំ២០០៧ដល់ឆ្នាំ២០១២។
លោក Sarkozy បានបដិសេធការចោទប្រកាន់។
ប្រែសម្រួល៖ណាវ័ន្ត
