លោក Marco Rubio  រដ្ឋមន្ត្រីការបរទេសអាមេរិក នៅថ្ងៃព្រហស្បតិ៍(៦កុម្ភៈ) បាននិយាយថា តំបន់ហ្គាហ្សាបច្ចុប្បន្នមិនអាចរស់នៅបាន ដោយសារគ្រោះថ្នាក់ដូចជា គ្រាប់មិនទាន់ផ្ទុះ ហើយថា ប្រជាជននឹងត្រូវទៅរស់នៅតំបន់ផ្សេង នៅពេលតំបន់ហ្គាហ្សាត្រូវស្តារឡើងវិញ។  

រដ្ឋមន្ត្រីការបរទេសអាមេរិកលោកRubio បានឆ្លើយតបទៅនិងសំនួរអ្នកសារព័ត៌មានអំឡុងពេលបំពេញទស្សនកិច្ចនៅសាធារណៈរដ្ឋដូមីនិក, ដោយបានលើកទឹកចិត្តប្រទេសផ្សេងទៀតឱ្យបោះជំហានទៅមុខ និងស្នើជួយស្តារតំបន់ហ្គាហ្សាឡើងវិញ ប៉ុន្តែមិននិយាយថាតើប្រជាជនប៉ាឡេស្ទីននឹងអាចវិលត្រលប់មកតំបន់ហ្គាហ្សាវិញឬយ៉ាងណានោះទេ ក្រោមសំណើររបស់លោកប្រធានាធិបតីអាមេរិកDonald Trumpយកតំបន់ហ្គាហ្សានិងអភិវឌ្ឍន៍តំបន់ហ្គាហ្សា។ 

លោក Rubio លើកឡើងដូច្នេះ «ខ្ញុំគិតថានោះគ្រាន់តែជាការពិតដែលប្រាកដនិយម,ដើម្បីស្តារតំបន់រងគ្រោះដូចជាតំបន់ហ្គាហ្សា ប្រជាជនត្រូវតែទៅរស់នៅកន្លែងផ្សេងទៀតជាបណ្តោះអាសន្ន»។

ប្រែសម្រួល៖ណាវ័ន្ត