យន្តហោះ Airbus មួយគ្រឿងត្រូវឆេះ នៅអាកាសយានដ្ឋានទីក្រុងប៊ូសាន ប្រទេសកូរ៉េខាងត្បូង នៅថ្ងៃអង្គារ(២៨មករា) បង្ខំឱ្យជម្លៀសមនុស្សទាំងអស់នៅលើយយន្តហោះ១៧៦នាក់។ យោងអាជ្ញាធរកូរ៉េខាងត្បូង។ 

ហេតុការណ៍ឆេះយន្តហោះនេះ បង្កឱ្យមនុស្ស៤នាក់រងរបួស នៅពេលពួកគេជម្លៀសចេញពីយន្តហោះរបស់ក្រុមហ៊ុនអាកាសចរណ៍ Air Busan។  អាជ្ញាធរកូរ៉េខាងត្បូង ឱ្យដឹងថា ភ្លើងឆេះនៅកន្ទុយយន្តហោះនៅមុនពេលយន្តហោះ ហោះឡើង។ យន្តហោះនេះ ធ្វើដំណើរទៅកាន់ទីក្រុងហុងកុង។  

តាមការរាយការណ៍ឱ្យដឹងថា ក្រុមពន្លត់អគ្គីភ័យបានទៅដល់កន្លែងកើតហេតុ នៅ៨នាទីក្រោយ។ 

នៅលើយន្តហោះ មានអ្នកដំណើរ១៦៩នាក់ និងអ្នកបម្រើការងារលើយន្តហោះ៧នាក់។ 

មូលហេតុដែលបង្កឱ្យមានភ្លើងឆេះ ស្ថិតនៅក្រោមការស៊ើបអង្កេត។ 

គ្រោះថ្នាក់ឆេះយន្តហោះលើកនេះ បានកើតឡើងក្នុងពេលមិនដល់១ខែផងទេ ក្រោយគ្រោះមហន្តរាយដែនអាកាសដ៏អាក្រក់់បំផុតនៅលើទឹកដីកូរ៉េខាងត្បូង នៅពេលដែលយន្តហោះJeju Air ធ្លាក់នៅអាកាសយានដ្ឋានMuan សម្លាប់មនុស្ស១៧៩នាក់។ ២នាក់រួចមានជីវិត។ 

ប្រែសម្រួល៖ណាវ័ន្ត