ផ្សិតពស់វែក ជាផ្សិតមួយប្រភេទ ដែលដុះនៅក្នុងព្រៃឬស្សី នៅក្នុងតំបន់ឧទ្យានជាតិវីរៈជ័យ។ ផ្សិតនេះ ត្រូវបានជនជាតិដើមភាគតិច ប្រមូលមកលក់ ដែលក្នុងមួយឆ្នាំៗ អាចប្រមូលផលបានត្រឹមចន្លោះពីខែឧសភា ដល់ខែកញ្ញា។

ផ្សិតពស់វែកស្រស់ អាចលក់បានតម្លៃចន្លោះពី ២ទៅ ៣ម៉ឺនរៀល និងផ្សិតស្ងួត មានតម្លៃចន្លោះពី ៥ម៉ឺនរៀល ទៅ ៧ម៉ឺនរៀល។ ផ្សិតនេះ ត្រូវបានយកទៅប្រើប្រាស់ជាថ្នាំព្យាបាលជំងឺ ខណៈជនជាតិដើមភាគតិចមួយចំនួន ប្រើធ្វើជាតែ សម្រាប់ទទួលទានយ៉ាងឆ្ងុយឆ្ងាញ់ ផងដែរ។

អត្ថបទ៖ អ៊ីសា ហាសាណះ  រូបភាព៖ ហ៊ុន សុជាតា