ខ្សែបម្រើ Toni Kroos របស់ក្លឹប Real Madrid បានប្រកាសពីការវិលត្រលប់មកក្រុមជម្រើសជាតិអាល្លឺម៉ង់វិញកាលពីថ្ងៃព្រហស្បតិ៍ (ថ្ងៃទី 22 ខែកុម្ភៈ) បន្ទាប់ពីបានចូលនិវត្តន៍ពីជម្រើសជាតិរយៈពេល 3 ឆ្នាំ និងមុនការប្រកួតជើងឯកទ្វីបអឺរ៉ុបរដូវក្តៅនេះនៅលើប្រទេសកំណើតខ្លួន។

Kroos វ័យ 34 ឆ្នាំ ដែលជាម្ចាស់ជើងឯក World Cup 2014 បានប្រកាសចូលនិវត្តន៍ពីក្រុមជម្រើសជាតិរបស់គាត់ក្នុងខែកក្កដា ឆ្នាំ 2021 បន្ទាប់ពីអាល្លឺម៉ង់ត្រូវបានក្រុមអង់គ្លេសយកឈ្នះ 2-0 ក្នុងវគ្គ 16 ក្រុមចុងក្រោយនៃ Euro 2020 នៅ Wembley ។

Kroos ដែលបានបង្ហាញខ្លួនជាអន្តរជាតិលើកដំបូងក្នុងឆ្នាំ 2010 បានចូលលេងការប្រកួតចំនួន 106 ដងសម្រាប់ប្រទេសអាល្លឺម៉ង់ បាននិយាយនៅក្នុងការបង្ហោះប្រព័ន្ធផ្សព្វផ្សាយសង្គមថា ៖ ចាប់ពីខែមីនាតទៅ ខ្ញុំនឹងលេងឱ្យអាល្លឺម៉ង់ម្តងទៀត" ។

គ្រូបង្វឹកអាឡឺម៉ង់ Julian Nagelsmann ដែលបានចូលកាន់ដំណែងក្នុងខែកញ្ញា ឆ្នាំ 2023 មិនបានរីករាយនឹងការចាប់ផ្តើមដ៏ល្អនោះទេ ដោយក្រុមរបស់គាត់បានឈ្នះត្រឹមតែពីរប្រកួតក្នុងចំណោម 6 ប្រកួតចុងក្រោយរបស់ពួកគេ។ ពួកគេក៏បានចាញ់ពីរប្រកួតចុងក្រោយ របស់ពួកគេដែរ គឺទល់នឹងទួរគី និងអូទ្រីសក្នុងខែវិច្ឆិកា។ពួកគេប្រកួតបន្ទាប់ជាមួយបារាំង និងហូឡង់នៅខែមីនា។