មន្ទីរពេទ្យគន្ធបុប្ជាបានអោយដឹងថា កុមារអាយុ២ឆ្នាំ មានជំងឺបេះដូងចំហ និងក្រិនសរសៃឈាមសួតពីកំណើតធ្ងន់ធ្ងរ បានរង់ចាំវះកាត់និងសម្រាកពេទ្យ១០ដងហើយ។

ថ្ងៃនេះ បានទទួលការវះកាត់ភ្ជិតបេះដូងចំហ និងវះពង្រីកសរសៃឈាមសួត បានដោយជោគជ័យ នៅមន្ទីរពេទ្យគន្ធបុប្ផាភ្នំពេញ។

អរគុណដល់ក្រុមគ្រូពេទ្យឯកទេសកម្ពុជាយើង ដែលបានជួយសង្រ្គោះជីវិតកូនស្រីតូចនេះ ។

រាល់ការព្យាបាលទាំងអស់ គឺឥតគិតថ្លៃ សម្រាប់គ្រប់ៗគ្នាដោយគ្មានការរើសអើង ហេីយរាល់ការបរិច្ចាគតូចឬធំ គឺពិតជាបានជួយព្យាបាល សង្គ្រោះ និងការពារជីវិតកុមារកម្ពុជា៕

រូបភាព៖ មន្ទីរពេទ្យគន្ធបុប្ជា