គិតត្រឹមសប្តាហ៍ទី៣ នៃការប្រកួតបាល់ទាត់ពានរង្វាន់ Cambodia League Cup ២០២៣ កន្លងទៅនេះ ខ្សែប្រយុទ្ធព្រះខ័នរាជស្វាយរៀង គឺកីឡាករ Marcus Haber ក្លាយជាកីឡាករដំបូងគេ ដែលធ្វើបាន Hattrick នៅក្នុងការប្រកួត ។ 

សូមបញ្ជាក់ថា ចំពោះធ្វើបាន Hattrick របស់ខ្សែប្រយុទ្ធជនជាតិកាណាដានេះ គឺអំឡុងពេលដែលរូបគេបានជួយអោយព្រះខ័នរាជស្វាយរៀង យកឈ្នះអង្គរថាយហ្គឺរ ដោយលទ្ធផល ០ទល់នឹង៥ នៅកីឡដ្ឋានហនុមាន កាលពីចុងសប្តាហ៍កន្លងទៅនេះ ។  

គួរអោយដឹងផងដែរថា នេះជាប្រកួតទី២របស់ព្រះខ័នរាជស្វាយរៀងក្នុងការប្រកួតវគ្គសន្សំពិន្ទុក្នុងពូលនៃពានរង្វាន់ Cambodian League Cup 2023 ហើយក៏ជាការទទួលបាន៣ពិន្ទុលើកដំបូងផងដែរ ខណៈដែលប្រកួតដំបូង ពួកគេបានចាញ់ភ្នំពេញក្រោន ដោយលទ្ធផល ០ទល់នឹង១ ។ដូច្នេះ គិតត្រឹមសប្តាហ៍ទី៣នៃ Cambodian League Cup ព្រះខ័នរាជស្វាយរៀង ប្រកួតបាន២ប្រកួត ឈរនៅលេខរៀងទី៤ ដោយមាន៣ពិន្ទុ ៕

អត្ថបទ និងរូបភាព៖ រ៉ែត ស្ដាលីន