ថ្ងៃសុក្រ ទី២៦ ខែមេសា ឆ្នាំ២០២៤
ថ្ងៃសុក្រ ទី២៦ ខែមេសា ឆ្នាំ២០២៤
ក្រុមការងារសង្គ្រោះជាច្រើននាក់បានជម្លៀសពលរដ្ឋចេញពីតំបន់រងគ្រោះទឹកជំនន់ធ្ងន់ធ្ងរ នៅរដ្ឋAssam ប្រទេសឥណ្ឌានៅថ្ងៃពុធ(២២មិថុនា)។
ភ្លៀងធ្លាក់ខ្លាំងដែលកើតឡើងនៅមុនពេលរដូវមូសុងមកដល់ប្រទេសឥណ្ឌា បានធ្វើអោយទឹកទន្លេជាពិសេសទន្លេBrahmaputra ត្រូវជន់ឡើងហូរហៀរហួសច្រាំង បណ្តាលអោយពលរដ្ឋក្នុងតំបន់ត្រូវគេចទៅរកតំបន់មានសុវត្ថិភាព។
នៅរដ្ឋ Assam មានមនុស្សយ៉ាងតិច៧នាក់ស្លាប់ក្នុងពេល២៤ម៉ោងកន្លងទៅ ។ យោងអាជ្ញាធរឥណ្ឌា។
កងកម្លាំងគ្រោះមហន្តរាយជាតិឥណ្ឌា បានប្រើប្រាស់ខ្សែសង្គ្រោះមនុស្សចេញពីតំបន់រងគ្រោះទឹកជំនន់ ហើយនាំពួកគេទៅកាន់កន្លែងមានសុវត្ថិភាព។ ក្រុមការងារសង្គ្រោះបានអោយដឹងថា ក្រុមសង្គ្រោះមាន១៤ក្រុម និងប្រើប្រាស់ទូកច្រើនជាង៧០ទូក និងមានកម្លាំងមនុស្សចូលរួមច្រើនជាង៤០០នាក់។ ក្នុងប្រតិបត្តិការសង្គ្រោះ មនុស្សប្រហែល១៤២០០នាក់ ដែលជាប់ក្នុងលំនៅដ្ឋានក្នុងតំបន់ទឹកជំនន់ ត្រូវបានជួយសង្គ្រោះដោយសុវត្ថិភាព។
មនុស្សប្រហែល៥,៥លាននាក់ ត្រូវផ្លាស់ទីជម្រក ហើយប្រហែល៣,៧លាននាក់ រស់នៅក្នុងជម្រកដែលរដ្ឋាភិបាលរៀបចំ ឬនៅទីទួលខ្ពស់។ នៅស្រុក Nagaon ពលរដ្ឋត្រូវប្រើប្រាស់ទូកដើម្បីធ្វើដំណើរ ខណៈទឹកជំនន់កាន់តែឡើង។
ប្រែសម្រួល៖ណាវ័ន្ត