សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចជាផ្លូវការហើយ តាមរយៈអនុក្រឹត្យ ចុះថ្ងៃទី១៥ កុម្ភៈម្សិលមិញ ដកស័ក្តិ និងបណ្តេញលោកវរសេនីយ៍ឯក គឹម ពន្លក អធិការស្រុកកំរៀង ខេត្តបាត់ដំបង ចេញពីក្របខណ្ឌមន្ត្រីនគរបាលជាតិ នៃក្រសួងមហាផ្ទៃ។

ការបណ្ដេញអធិការស្រុកកំរៀងរូបនេះ ចេញពីក្របខណ្ឌមន្ត្រីនគរបាលជាតិ កើតឡើង ក្រោយរកឃើញថា មានពាក់ព័ន្ធនឹងករណីដោះលែងមេខ្យល់ នាំពលរដ្ឋឆ្លងដែនខុសច្បាប់។ ជាមួយនឹងការសម្រេចបណ្តេញចេញនូវអធិការស្រុកកំរៀង សកម្មភាពគ្រប់គ្រងពលករឆ្លងដែន និងការធ្វើចត្តាឡីស័ក នៅតាមព្រំដែនកម្ពុជា-ថៃ និយាយជារួម និងនិយាយដោយឡែក នៅច្រកដូងក្នុងខេត្តបាត់ដំបង ត្រូវបានរឹតបន្តឹងខ្លំាង៕

អត្ថបទ៖ ហ៊ុន ឌីណូ     រូបភាព៖ ក្រុមការងារ