ថ្ងៃច័ន្ទ ទី២៩ ខែមេសា ឆ្នាំ២០២៤
ថ្ងៃច័ន្ទ ទី២៩ ខែមេសា ឆ្នាំ២០២៤
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចបង្កើតក្រុមការងារអន្តរក្រសួង ដើម្បីសិក្សារៀបចំលិខិតបទដ្ឋានគតិយុត្ត សម្រាប់ធ្វើការគ្រប់គ្រង ផ្តល់គោរមងារ និងការដកហូតគោរមងារឧកញ៉ា។ បើតាមសេចក្តីសម្រេចលេខ ៤៦ សសរ សម្តេច តេជោ បានតែងតាំងឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃ ជាប្រធាន និងឯកឧត្តម លោកជំទាវ ចំនួន ១២ រូបផ្សេងទៀត ជាសមាជិក។
ក្រុមការងារនេះ នឹងធ្វើរបាយការណ៍អំពីវឌ្ឍនភាពការងារ ជូនសម្តេច ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ក៏ដូចជារៀបចំឯកសារពាក់ព័ន្ធនានា ជូនរាជរដ្ឋាភិបាល ដើម្បីពិនិត្យសម្រេចផងដែរ៕
អត្ថបទ៖ ហ៊ុន ឌីណូ រូបភាព៖ ឯកសារ