លោក Donald Trump ប្រធានាធិបតីអាមេរិក បានប្រកាសពន្ធនាំចូលថ្មី ទៅលើទំនិញទាំងអស់ដែលនាំចូលសហរដ្ឋអាមេរិក។ នេះជាចំណាត់ការមួយដែលនាំភាពរង្គោះរង្គើយ៉ាងខ្លាំងនៅក្នុងសណ្តាប់ធ្នាប់ពាណិជ្ជកម្មពិភពលោក ចាប់តាំងពីសង្គ្រាមលោកលើកទី២បានបញ្ចប់។ 

ផែនការរបស់ប្រធានាធិបតីអាមេរិករូបនេះ បានកំណត់ខ្សែបន្ទាត់គោលពន្ធលើទំនិញនាំចូលអាមេរិកទាំងអស់ចំនួន១០ភាគរយ ស្របទៅតាមការសន្យានៅក្នុងយុទ្ធនាការបោះឆ្នោតអាមេរិកដែលលោកបានធ្វើឡើងកាលពីឆ្នាំមុន។ 

ទំនិញពីប្រទេសជាដៃគូពាណិជ្ជកម្មអាមេរិកប្រហែល៦០ប្រទេស ដែលសេតវិមានហៅថា «អ្នកល្មើសធ្ងន់ធ្ងរ» រួមមានសហភាពអ៊ឺរ៉ុប និងប្រទេសចិន ប្រឈមនឹងការដាក់ពន្ធខ្ពស់ ដែលលោក  Donald Trumpនិយាយថា ជាការសងត្រលប់មកវិញសម្រាប់គោលនយោបាយពាណិជ្ជកម្មអយុត្តិធម៌។ 

អ្នកវិភាគ និយាយថា ការផ្ទុះសង្គ្រាមពាណិជ្ជកម្មទំនងនឹងនាំឱ្យទំនិញនៅសហរដ្ឋអាមេរិកមានតម្លៃថ្លៃ ហើយកំនើនសេដ្ឋកិច្ចយឺតនៅអាមេរិក ស្របគ្នាប្រទេសមួយចំនួននៅជុំវិញពិភពលោកអាចនឹងធ្លាក់ទៅក្នុងប្រទេសសេដ្ឋកិច្ចធ្លាក់ចុះ។

ប៉ុន្តែការប្រកាសនៅថ្ងៃពុធនៅសេតវិមាន លោក Trump និយាយថា វិធានការគឺចាំបាច់ដោយសារបណ្តាប្រទេសជាច្រើនយកប្រយោជន៍ពីអាមេរិកតាមរយៈការដាក់ពន្ធខ្ពស់លើអាមេរិក ហើយមានរបាំងពាណិជ្ជកម្មផ្សេងទៀត។ 

លោកប្រធានាធិបតីអាមេរិក Donald Trump បានប្រកាសថ្ងៃ២មេសា ជាថ្ងៃអាសន្នជាតិ ហើយលោកនិយាយថា សហរដ្ឋអាមេរិកក្នុងរយៈពេល៥០ឆ្នាំមកនេះ ត្រូវបានបណ្តាប្រទេសក្នុងពិភពលោក លួច បំផ្លាញ បំពាន ទាំងប្រទេសជិតនិងឆ្ងាយ ទាំងប្រទេសជាមិត្ត និងសត្រូវ។ 

ពន្ធថ្មីរបស់លោកប្រធានាធិបតីTrumpសម្រាប់ប្រទេសតំបន់អាស៊ី

ចិន- 34%
វៀតណាម- 46%
តៃវ៉ាន់- 32%
ជប៉ុន- 24%
ឥណ្ឌា - 26%
កូរ៉េខាងត្បូង - 25%
 ថៃ- 36%
ម៉ាឡេស៊ី - 24%
កម្ពុជា- 49%
បង់ក្លាដេស- 37%
សឹង្ហបុរី - 10%
ហ្វីលីពីន- 17%
ប៉ាគីស្ថាន - 29%
ស្រីលង្ការ- 44%
មីយ៉ាន់ម៉ា- 44%
ឡាវ- 48%

ប្រទេសមួយចំនួនផ្សេងទៀតនៅលើពន្ធថ្មីរបស់លោកប្រធានាធិបតីTrump 

សហភាពអ៊ឺរ៉ុប- 20%
កូសូវ៉ូ - 10%
ស្វីស- 31%
អង់គ្លេស- 10%
ន័រវេស- 15%
អ៊ុយក្រែន - 10%
លិច​តិ​ន​ស្តា​ញ​ - 37%
ស៊ែប៊ី- 37%

ប្រែសម្រួល៖ណាវ័ន្ត