កីឡាករចក្រភពអង់គ្លេស Tyson Fury បាននិយាយកាលពីថ្ងៃពុធ (២៣ តុលា) ថាខ្លួនមានទំនុកចិត្តថាអាចយកឈ្នះ Oleksandr Usyk ក្នុងការប្រកួតដណ្តើមខ្សែក្រវាត់ពិភពលោកទម្ងន់ធ្ងន់របស់ពួកគេ។ នៅក្នុងការប្រកួតលើកដំបូងរបស់ពួកគេក្នុងខែឧសភា រវាង TYSON FURY នឹង Oleksandr Usyk បានប្រកួតគ្នាយ៉ាងតានតឹង រហូតដល់ចប់ការប្រកួតពេញ១២ទឹក។

កណ្តាប់ដៃដ៏ខ្លាំងរបស់ Usyk បានវាយចំគោលដៅទៅលើ Tyson Fury ហើយអ្នកប្រដាល់អង់គ្លេសដែលមិនធ្លាប់ចាញ់ពីមុនបានតស៊ូឆ្លងកាត់ការប្រកួតរហូត ទើបប្រកាសលទ្ធផលនឹងបានបាត់បង់ ជើងឯកទម្ងន់ធ្ងន់ WBC ។ការប្រកួតសងសឹកនឹងធ្វើឡើងនៅថ្ងៃទី 21 ខែធ្នូ ក្នុងទីក្រុង Riyadh ប្រទេសអារ៉ាប៊ីសាអូឌីត ដោយមានខ្សែក្រវាត់ WBC, WBO និង WBA ។