ថ្ងៃអង្គារ៍ ទី២៧ ខែកុម្ភៈ ឆ្នាំ២០២៤

ប្រទេសថៃអាចទទួលបានអ្នកទេសចរណ៍ចិន៣,៥លាននាក់នៅឆ្នាំនេះតួលេខក្រោមគោលដៅរំពឹងទុក

២៤ ​វិច្ឆិកា ២០២៣ | ព័ត៌មានអន្តរជាតិ

 

 

ប្រទេសថៃ អាចនឹងទទួលបានអ្នកទេសចរណ៍មកពីប្រទេសចិន ចំនួន៣,៤ ទៅ៣,៥លាននាក់ នៅឆ្នាំនេះ ដែលនេះជាតួលេខមួយទាបជាងគោលដៅរំពឹងទុក។យោងអាជ្ញាធរទេសចរណ៍ថៃ(TAT)ឱ្យដឹងនៅថ្ងៃសុក្រនេះ។ បើទោះជាប្រទេសថៃ បានដាក់ចេញគោលនយោបាយទាក់ទាញអ្នកទេសចរណ៍ជនជាតិចិនមិនយកទិដ្ឋការក៏ដោយ។

 

អ្នកទេសចរណ៍ជនជាតិចិនប្រហែល៣,០១លាននាក់ បានទៅកំសាន្តនៅក្នុងប្រទេសថៃចាប់តាំងពីដើមឆ្នាំមកដល់ពេលនេះ។ នេះជាការលើកឡើងពីអាជ្ញាធរទេសចរណ៍ថៃ(TAT)។

 

ចិន ជាប្រភពទីផ្សារដ៏សំខាន់មួយសម្រាប់ឧស្សាហកម្មទេសចរណ៍ដ៏មានតម្លៃបំផុតរបស់ប្រទេសថៃ។ នៅមុនពេលផ្ទុះឆ្លងជំងឺកូវីដនៅឆ្នាំ២០១៩ អ្នកទេសចរណ៍ចិន១១លាននាក់ បានទៅកំសាន្តក្នុងប្រទេសថៃ។ 

 

«សេដ្ឋកិច្ចរើបឡើងយ៉ាងយឺតៗរបស់ប្រទេសចិន ធ្វើឱ្យពលរដ្ឋមានការបារម្ភទៅលើការចំណាយលើវិស័យទេសចរណ៍»។ នេះបើតាមការឱ្យដឹងពីលោក Chattan Kunjara Na Ayudhya អនុប្រធានTAT ទទួលបន្ទុកកិច្ចការទីផ្សារអន្តរជាតិសម្រាប់តំបន់អាស៊ី និងប៉ាស៊ីហ្វិកខាងត្បូង។

 

ករណីបាញ់ប្រហារនៅផ្សារទំនើបនាពេលថ្មីៗនេះ នៅទីក្រុងបាងកក ក៏បានប៉ះពាល់ដល់ទំនុកចិត្តអ្នកទេសចរណ៍ផងដែរ។ លោក Chattan បន្ថែម។

 

ស្ថាប័នទេសចរណ៍ថៃ TAT កាលពីខែមិថុនា បានរំពឹងទុកថា មានអ្នកទេសចរណ៍ចិនប្រហែល៤ ទៅ៤,៤លាននាក់នឹងមកកំសាន្តនៅប្រទេសថៃនៅក្នុងឆ្នាំនេះ។នេះក៏ជាតួលេខមួយទាបជាងការរំពឹងទុកពីដើមដំបូងឡើយរបស់រដ្ឋាភិបាលដែលមានដល់ទៅ៥លាននាក់។ 

 

ចាប់តាំងពីដើមឆ្នាំមក អ្នកទេសចរណ៍បរទេសទាំងអស់ដែលបានទៅកំសាន្តនៅប្រទេសថៃមានប្រហែល២៣,៨៨លាននាក់។ យោងលោកChattan ។ 

 

 

 

អត្ថបទ៖ណាវ័ន្ត

ព័ត៌មានដែលទាក់ទង

© រក្សា​សិទ្ធិ​គ្រប់​យ៉ាង​ដោយ​ PNN ប៉ុស្ថិ៍លេខ៥៦ ឆ្នាំ 2024