ក្រុមតោខៀវ Chelsea បានបញ្ចប់ការចុះហត្ថលេខាលើខ្សែបម្រើអាហ្សង់ទីន Enzo Fernandez របស់ Benfica ក្នុងតម្លៃបំបែកកំណត់ត្រាអង់គ្លេស 106.8 លានផោន (131.46 លានដុល្លារ) កាលពីថ្ងៃពុធ (31 មករា) បន្ទាប់ពីមួយថ្ងៃនៃការចរចាដ៏ស្មុគស្មាញរវាងក្លឹប។

សេចក្តីថ្លែងការណ៍មួយពី Benfica បានបញ្ជាក់ថាកិច្ចព្រមព្រៀងមួយត្រូវបានឈានដល់រវាងក្លឹបអំពីរ Chelsea នឹងបង់ថ្លៃក្នុងការនាំយក កីឡាករវ័យ 22 ឆ្នាំដែលបានចុះហត្ថលេខាលើកិច្ចសន្យារយៈពេល 8 ឆ្នាំកន្លះ។តម្លៃនាំយកនេះជាតម្លៃថ្លៃជាងពេលក្លឹប Man City បានចំណាយលើ Aston Villa សម្រាប់ខ្សែបម្រើអង់គ្លេស Jack Grealish ក្នុងឆ្នាំ 2021ទៅទៀត។

Fernandez បានផ្ទេរពីក្រុម River Plate របស់អាហ្សង់ទីនទៅ Benfica កាលពីឆ្នាំមុន ហើយបានលេង 29 ដងក្នុងការប្រកួតទាំងអស់ ដោយស៊ុតបញ្ចូលទីបាន 4 គ្រាប់ និង ស៊ុតបញ្ចូលទីបាន 7 ដង។

គាត់គឺជាកីឡាករទីប្រាំបីរបស់ Chelsea ក្នុងទីផ្សារដោះដូរកីឡាករពាក់កណ្តាលរដូវកាល បន្ទាប់ពីក្លឹបនៅទីក្រុងឡុងដ៍បានចុះហត្ថលេខាលើកីឡាករ Mykhailo Mudryk, Benoit Badiashile, Noni Madueke, Andrey Santos, David Fofana និង Malo Gusto ខណៈដែល Joao Felix ក្នុងលក្ខខណ្ឌខ្ចីជើង។