ថ្ងៃសុក្រ ទី១៤ ខែមិថុនា ឆ្នាំ២០២៤

កាណាដានឹងបញ្ជូនរថក្រោះទំនើបLeopard 2ចំនួន៤គ្រឿងទៅប្រទេសអ៊ុយក្រែន

ប្រទេសកាណាដា នឹងបញ្ជូនរថក្រោះទំនើបLeopard 2 ចំនួន៤គ្រឿងទៅកាន់ប្រទេសអ៊ុយក្រែន។ យោងលោកស្រីAnita Anand  រដ្ឋមន្ត្រីក្រសួងការពារជាតិ កាណាដានៅថ្ងៃព្រហស្បតិ៍(២៦មករា)។


 

 

 

 

 

ការប្រកាសយ៉ាងដូច្នេះពីសំណាក់រដ្ឋមន្ត្រីក្រសួងការពារជាតិកាណាដា បានធ្វើឡើងក្រោយប្រទេសអាលឺម៉ង់នៅសប្តាហ៍នេះ បានអនុញាតិឱ្យបណ្តាប្រទេស ជាច្រើននាំចេញរថក្រោះផលិតនៅប្រទេសអាលឺម៉ង់ទៅកាន់ប្រទេសអ៊ុយក្រែន។

 

«ការឧបត្ថម្ភរថក្រោះធ្វើឡើងរួមជាមួយសម្ព័ន្ធមិត្តនិងបណ្តាដៃគូជាច្រើន នឹងជួយយ៉ាងសំខាន់ដល់យោធាអ៊ុយក្រែននៅក្នុងប្រតិបត្តិការការពារប្រឆាំងនឹងការឈ្លាន ពានរបស់ប្រទេសរុស្ស៊ី»។ លោកស្រី Anand  ថ្លែងទៅកាន់អ្នកសារព័ត៌មាននៅទីទក្រុងOttawa។

 

លោកស្រីរដ្ឋមន្ត្រីបន្តថា យោធាកាណាដានឹងត្រូវហ្វឹកហ្វឺនយោធាអ៊ុយក្រែនទៅលើការប្រើប្រាស់និងថែទាំរថក្រោះ។ជាមួយគ្នាប្រទេសកាណាដាប្រហែលឧបត្ថម្ភ រថក្រោះបន្ថែមទៀតនៅពេលអនាគតអាស្រ័យទៅលើការពិភាក្សានិងការសម្របសម្រួលជាមួយសម្ព័ន្ធមិត្ត។

 

ការប្រកាសរបស់ប្រទេសកាណាដា ពីការផ្តល់រថក្រោះទៅឱ្យប្រទេសអ៊ុយក្រែន បានធ្វើឡើងក្រោយពីសហរដ្ឋអាមេរិកនៅថ្ងៃពុធ ប្រកាសផ្តល់រថក្រោះទំនើបរបស់ ខ្លួនចំនួន៣១គ្រឿងទៅឱ្យប្រទេសអ៊ុយក្រែន ហើយប្រទេសអាលឺម៉ង់ផ្ទាល់ បានប្រកាសថា នឹងបញ្ជូនរថក្រោះLeopard 2  ទៅអ៊ុយក្រែនផងដែរ។

 

 

 

 

ប្រែសម្រួល៖ណាវ័ន្ត

ព័ត៌មានដែលទាក់ទង

© រក្សា​សិទ្ធិ​គ្រប់​យ៉ាង​ដោយ​ PNN ប៉ុស្ថិ៍លេខ៥៦ ឆ្នាំ 2024