ថ្ងៃពុធ ទី២២ ខែឧសភា ឆ្នាំ២០២៤

ជាផ្លូវការ!អាលឺម៉ង់ឯកភាពបញ្ជូនរថក្រោះLeopardទៅប្រទេសអ៊ុយក្រែន

ប្រទេសអាលឺម៉ង់ នឹងបញ្ជូនរថក្រោះLeopard 2របស់ខ្លួនទៅកាន់ប្រទេសអ៊ុយក្រែន។

 

ការប្រកាសរបស់ប្រទេសអាលឺម៉ង់នៅថ្ងៃពុធ(២៥មករា)បានបញ្ចប់មន្ទិលសង្ស័យអំពីការបញ្ជូនសព្វាវុធយោធាធុនធ្ងន់ ដែលរដ្ឋាភិបាលទីក្រុងកៀវមើលឃើញ ថាជាសព្វាវុធដ៏សំខាន់ដើម្បីប្រយុទ្ធតទល់និងការឈ្លានពានរបស់ប្រទេសរុស្ស៊ី​ ប៉ុន្តែរដ្ឋាភិបាលទីក្រុងម៉ូស្គូមើលឃើញថាជាការបង្កហេតុដែលឥតប្រយោជន៍។

 

 

 

 

សម្ពាធ បានកើនឡើងខ្លាំងអស់ជាច្រើនសប្តាហ៍ទៅលើរដ្ឋាភិបាលរបស់អធិការបតីអាលឺម៉ង់ លោក Olaf Scholz ក្នុងការបញ្ជូនរថក្រោះទៅអ៊ុយក្រែន និងអនុញាតិ ឱ្យបណ្តាប្រទេសសម្ព័ន្ធមិត្តអង្គការណាតូផ្សេងទៀតអាចបញ្ជូនអាវុធទៅអ៊ុយក្រែនបានដូចគ្នា នៅមុនពេលការប្រយុទ្ធរវាងប្រទេសទាំងពីររុស្ស៊ីនិងអ៊ុយក្រែនកាន់ តែតានតឹងឡើងនៅអំឡុងពេលរដូវនិទាឃរដូវ។

 

នាពេលកន្លងទៅរដ្ឋាភិបាលរបស់លោកScholz មិនផ្តល់ការសម្រេចចិត្តដោយបារម្ភថា ការបញ្ជូនរថក្រោះទៅប្រទេសរុស្ស៊ីអាចនាំឱ្យបណ្តាប្រទេសសម្ព័ន្ធមិត្តអង្គការណាតូក្លាយជាភាគីសង្គ្រាម។

 

ការសម្រេចចិត្តថ្មីចុងក្រោយបំផុតនេះរបស់រដ្ឋាភិបាលអាលឺម៉ង់ ក៏បានបើកផ្លូវឱ្យបណ្តាប្រទេសដទៃផ្សេងទៀតមានប្រទេសប៉ូឡូញ ប្រទេសអេស្ប៉ាញ និងប្រទេសន័រវ៉េស ផ្គត់ផ្គង់រថក្រោះLeopard  ទៅប្រទេសអ៊ុយក្រែនផងដែរ។

 

យោងសេចក្តីថ្លែងការណ៍ឱ្យដឹងថា រថក្រោះLeopard 2 នឹងត្រូវផ្តល់ទៅឱ្យប្រទេសអ៊ុយក្រែន។ ការហ្វឹកហ្វឺនយោធាអ៊ុយក្រែន នៅអាលឺម៉ង់នឹងចាប់ផ្តើមឆាប់ៗ។ ប្រទេសអាលឺម៉ង់នឹងផ្តល់ភស្តុភារ និងគ្រាប់រំសេវផងដែរ។

 

 

 

ប្រែសម្រួល៖ណាវ័ន្ត

ព័ត៌មានដែលទាក់ទង

© រក្សា​សិទ្ធិ​គ្រប់​យ៉ាង​ដោយ​ PNN ប៉ុស្ថិ៍លេខ៥៦ ឆ្នាំ 2024