ថ្ងៃសៅរ៍ ទី២៧ ខែមេសា ឆ្នាំ២០២៤
ថ្ងៃសៅរ៍ ទី២៧ ខែមេសា ឆ្នាំ២០២៤
ឆ្មាំល្បាតឆ្នេររបស់ប្រទេសកូរ៉េខាងត្បូង និងប្រទេសជប៉ុននៅថ្ងៃពុធ(២៥មករា) បានបន្តស្វែងរកនាវិក៩នាក់ផ្សេងទៀតដែលបាត់ខ្លួន បន្ទាប់ពីជួយសង្គ្រោះបាន នាវិក១៣នាក់ពីនាវាដឹកទំនិញដែលលិចនៅជិតឆ្នេរប្រទេសជប៉ុន អំឡុងពេលខ្យល់ខ្លាំង។
យន្តហោះ និងនាវាជាច្រើនគ្រឿង រួមទាំងនាវាឯកជនផង បានមកចូលរួមជួយក្នុងប្រតិបត្តិការស្វែងរកក្រុមនាវិកបាត់ខ្លួន។
យោងឆ្មាំល្បាតឆ្នេរប្រទេសជប៉ុននឱ្យដឹងថា នៅយប់ថ្ងៃអង្គារក្រុមការងារបានទទួលទូរស័ព្ទសុំជំនួយពីនាវា «Jintian» ជានាវាទម្ងន់៦,៦៥១តោនចុះបញ្ជីទីក្រុងហុងកុង។ នាវិក២២នាក់ជាជនជាតិចិន និងមីយ៉ាន់ម៉ា។
តំបន់ដែលនាវាលិចស្ថិតនៅរវាងកោះ Nagasaki ប្រទេសជប៉ុននិងកោះJeju ប្រទេសកូរ៉េខាងត្បូង។ នៅកោះ Jeju ប្រទេសកូរ៉េខាងត្បូង ជើងហោះហើររាប់រយត្រូវបានលុបចោលនៅថ្ងៃអង្គារដោយសារអាកាសធាតុត្រជាក់ធ្លាក់ព្រិលខ្លាំង។
នាវាដែលលិចជានាវាដឹកឈើ ធ្វើដំណើរពីប្រទេសម៉ាឡេស៊ី ទៅកាន់តំបន់ Incheon ប្រទេសកូរ៉េខាងត្បូង។
ប្រែសម្រួល៖ណាវ័ន្ត