លោក  William Lai  អនុប្រធានាធិបតីកោះតៃវ៉ាន់ ត្រូវបានជ្រើសតាំងជាប្រធានថ្មីរបស់គណបក្ស Democratic Progressive Party (DPP) ដែលជាគណបក្សកាន់ អំណាចរបស់កោះតៃវ៉ាន់នៅថ្ងៃអាទិត្យ(១៥មករា)។

ការជ្រើសរើសលោកLai ជាប្រធានគណបក្សកាន់អំណាចបានបង្កើតដំណាក់កាលថ្មីមួយសម្រាប់រូបលោក ក្នុងដំណើរឆ្ពោះទៅចូលរួមឈរឈ្មោះបោះឆ្នោតជា ប្រធានាធិបតីកោះតៃវ៉ាន់ដែលនឹងត្រូវធ្វើឡើងនៅដើមឆ្នាំក្រោយ។

លោក Lai ជាបេក្ខភាពតែមួយគត់សម្រាប់តំណែងប្រធានគណបក្សកាន់អំណាចDPP។ លោកស្រី Tsai Ing-wen ប្រធានាធិបតីកោះតៃវ៉ាន់បានលាលែងចេញពី តំណែងប្រធានគណបក្សកាន់អំណាចនៅខែវិច្ឆិកាក្រោយគណបក្សDPP បរាជ័យយ៉ាងធ្ងន់ធ្ងរ នៅក្នុងការបោះឆ្នោតតំបន់។

លោក Lai  មិនបាននិយាយដោយផ្ទាល់ថាតើលោកនឹងចូលរួមឈរឈ្មោះឱ្យគេបោះឆ្នោតឱ្យសម្រាប់តំណែងប្រធានាធិបតីឬយ៉ាងណាឡើយ ប៉ុន្តែជាទូទៅលោកនឹងឈរឈ្មោះសម្រាប់តំណែងប្រធានាធិបតីដោយសារនៅពេលនេះលោកជាប្រធានគណបក្សDPP ។

លោកស្រី Tsai  មិនអាចឈរឈ្មោះសម្រាប់តំណែងប្រធានាធិបតីកោះតៃវ៉ាន់ជាថ្មីម្តងទៀតឡើយដោយសាររយៈពេលអណ្ណត្តិមានកំណត់នៅក្នុងរដ្ឋធម្មនុញ្ញ។

លោកស្រី Sidney Lin  អគ្គលេខាធិការស្តីទីរបស់គណបក្សDPP បានថ្លែងទៅកាន់អ្នកសារព័ត៌មាននៅទីក្រុងតៃប៉ិថា លោកLai  ឈ្នះការបោះឆ្នោតហើយលោក​Lai នឹងចាប់ផ្តើមកាន់តំណែងជាប្រធានគណបក្សជាផ្លូវការនៅថ្ងៃពុធ។

ជំហររបស់លោក  William Lai  ក៏ជាអ្នកប្រឆាំងនឹងប្រទេសចិនមួយរូបផងដែរ។ លោក គាំទ្រអធិបតេយ្យភាព និងអត្តសញ្ញាណដាច់ដោយឡែករបស់កោះតៃវ៉ាន់។

ប្រែសម្រួល៖ណាវ័ន្ត