ថ្ងៃសៅរ៍ ទី២០ ខែមេសា ឆ្នាំ២០២៤
ថ្ងៃសៅរ៍ ទី២០ ខែមេសា ឆ្នាំ២០២៤
ខេត្តព្រះវិហារ ជាខេត្តទិសដៅទី២ បន្ទាប់ពីខេត្តស្ទឹងត្រែង ក្នុងការរៀបចំយុទ្ធនាការអន្ទាក់សូន្យ នៅក្នុងតំបន់ការពារធម្មជាតិកម្ពុជា ដែលផ្តួចផ្តើមគំនិត និងដឹកនាំដោយក្រសួងបរិស្ថាន និងមានការចូលរួមពីអង្គការសមាគមអភិរក្សសត្វព្រៃកម្ពុជា (WCS) អង្គការអភិរក្សអន្តរជាតិ CI គម្រោងព្រៃឡង់បៃតង និងអង្គការសន្សំម្លប់ព្រៃ។
តាមរយៈយុទ្ធនាការនេះដែរ មន្ត្រីជាន់ខ្ពស់ក្រសួង បរិស្ថានមានជំនឿថា នឹងចូលរួមក្នុងការកែប្រែឥរិយាបថពលរដ្ឋមួយចំនួនដែលនិយមហូបសាច់សត្វ និងចូលរួមរកដំណោះស្រាយបញ្ចប់វិបត្តិអន្ទាក់នៅក្នុងតំបន់ការពារធម្មជាតិកម្ពុជា និងមិនត្រឹមតែផ្តល់ជម្រក កន្លែងរកចំណី ប្រភពទឹកសម្រាប់សត្វព្រៃរស់នៅនោះទេ តែក៏ដើម្បីផ្តល់សុវត្ថិភាពដល់សត្វព្រៃ និងជីវៈចម្រុះក្នុងរស់នៅភាគច្រើនគ្របដណ្តប់ដោយតំបន់ការពារធម្មជាតិ ដែលមានវត្តមានព្រៃឈើ និងសត្វព្រៃផងដែរ។
រាយការណ៍៖ ជុំ ជោគជាតា រូបភាព៖ សែត ប៊ុនថាន់