ដ្រូន មួយគ្រឿងនេះមានល្បឿនដប់គីឡូម៉ែត្រ​ក្នុងមួយម៉ោង និងអាចហោះ​បានកម្ពស់ចាប់ពីពីរម៉ែត្រ​ទៅបីម៉ែត្រពីលើផ្ទៃដី​។ ក្នុងពេលជាមួយគ្នា​នោះ វាអាចពាំនាំ​គ្រាប់ស្រូវពង្រោះ សម្រាប់​យកទៅបាចនៅ​លើវាលស្រែថែម​ទៀតផង​។ នេះជាវិធីបង្ក​បង្កើនផលស្រូវ​តាមរបៀបថ្មី ជំនួស​ឲ្យការធ្វើស្រែកាល​ពីជំនាន់មុន ដែលកសិករ​ត្រូវដកសំណាបយក​ទៅស្ទូង។

កសិករម្នាក់ប្រាប់ថា «បើវិធីថ្មីនេះទទួល​បានជោគជ័យ វាអាចកាត់បន្ថយ​កម្លាំងពលកម្មរបស់​មនុស្សបានច្រើន​ណាស់ និងចំណេញពេល​វេលាក៏ច្រើន​ណាស់ដែរ​។

តាមរយៈការ​ប្រើប្រាស់សាកល្បងនេះ ដ្រូន អាចកាត់បន្ថយកម្លាំង​ពលកម្មជាង៥០% និងសំចៃ​ថវិកាយ៉ាងច្រើន​។ ពោលគឺ មួយហិកតារគេអាច​សំចៃថវិកាបាន១លាន ២សែនវុន ស្មើនឹងជាង​៩រយដុល្លារ​។ អ្នកជំនាញខាង​កសិកម្មម្នាក់​ប្រាប់ថា «បើកសិករ​ប្រើប្រាស់ ដ្រូន នេះឲ្យបានត្រឹមត្រូវ វាអាចផ្ដល់​ទិន្នផលសឹង​តែ១០០% ធៀប​នឹងវិធីបង្ក​បង្កើនផលស្រូវ​ដោយការដកស្ទូង​។ តាមវិធីថ្មីនេះ គេអាច​ធ្វើស្រែបានលឿន​ជាងរាល់ដង និងជួយកាត់​បន្ថយផលរំខានដោយ​សារសត្វល្អិត ឬរុក្ខជា​តិចង្រៃដទៃទៀត»​។

ប្រធាន​អភិវឌ្ឍជនបទ​កូរ៉េខាងត្បូងប្រាប់ថា  «ដ្រូន អាចជួយបានច្រើន​ណាស់នៅក្នុងការ​បង្កបង្កើនផលកសិកម្ម។  ទៅថ្ងៃមុខ វាអាចជួយ​ដោះស្រាយវិបត្តិខ្វះ​កម្លាំងពលកម្មនៅទីក្រុង»​៕

ប្រែ​សម្រួល​៖ អន សំអាង