សេម និង ចាន់ ម៉ូលីកា នឹងពាំនាំរសជាតិថ្មីប្លែកក្នុងកម្មវិធី CAMBODIA LITE Station

១៧ កក្កដា ២០២៥ | កម្សាន្ដ

ថ្មីប្លែកទៀតហើយពីកម្មវិធី CAMBODIA LITE Station សប្ដាហ៍នេះជាមួយវត្តមានតារាល្បីឈ្មោះពីរដួងគឺ សេម និងកញ្ញា ចាន់ ម៉ូនីតា ដែលនឹងនាំអារម្មណ៍ទស្សនិកជនកាន់តែស្រស់ស្រាយ។

នៅសប្តាហ៍នេះទស្សនិកជននឹងបានសប្បាយអារម្មណ៍ទៀតហើយជាមួយកម្មវិធី CAMBODIA LITE Station ដែលនឹងមានវត្តមានរបស់តារាចម្រៀងពីរដួងគឺលោក សេម និងកញ្ញា ចាន់ ម៉ូនីតា។

អ្នកទាំងពីរនឹងលើកយកបទចម្រៀងពីរោះៗជាច្រើនបទ មានទាំងបទបែបរីករាយ និងបទចម្រៀងបែកមនោសញ្ចេតនា កម្សត់ជាដើម ដោយមានអមជាមួយនឹងការប្រគំតន្ត្រីបែប Acoustic យ៉ាងពីរោះរណ្តំចិត្ត។

មិនត្រឹមតែបានស្ដាប់បទចម្រៀងបែប Acoustic របស់តារាល្បីឈ្មោះទាំងពីរដួងប៉ុណ្ណោះទេ ទស្សនិកជនថែមបាន ទស្សនា និងការបរិយារឿងរ៉ាវជីវិតនានាដែលពួកគេនឹងមកចែករំលែកដល់ទស្សនិកជន។

កាន់តែប្លែក និងរីករាយថែមទៀតនោះ ពិធីករ លោកយ៉ារ៉ូ និងមានសំនួរជាច្រើនសួរទៅកាន់តារាទាំងពីរដួង ដែលសំនួរទាំងនោះសុទ្ធសឹងតែជាសំនួរបែបសប្បាយៗ ញុំាងបរិយាកាសអោយកាន់តែរីករាយទ្វេដង។

ជាការពិតណាស់ CAMBODIA LITE Station តែងតែនាំយកនូវភាពសប្បាយរីករាយ មកចែកជូនទស្សនិកជនបានទស្សនា ជាពិសេសគឺបានស្តាប់ជាមួយបទចម្រៀងពីរោះៗ ជួបតារាល្បីៗ តារាក្នុងដួងចិត្ត និងតារាដែលកំពុងតែមានការគាំទ្រខ្លាំងផងដែរ។