កាលពីពេលថ្មីៗនេះ ក្រុមស្រាវជ្រាវ Lost in Waters Deep ដែលជាអ្នកស្វែងរកខ្មោចនាវាលិចនៅបាតសមុទ្រជាយូរឆ្នាំមកហើយហាក់ដូចជាបានប្រទះឃើញបំណែកនាវាកម្សាន្តឈ្មោះ HMS Hawk ដែលបានរងការវាយប្រហារពីនាវាមុជទឹករបស់អាល្លឺម៉ង់មួយនៅក្នុងឆ្នាំ១៩១៤ បណ្ដាលឱ្យស្លាប់កងទ័ព និងកងម៉ារីនសរុប ៥២៥ នាក់នៅលើនាវាកម្សាន្តនោះ។

ការរកឃើញបំណែកខ្មោចនាវាកម្សាន្តនេះត្រូវបានធ្វើឡើងនៅឆ្នេរសមុទ្រ Aberdeenshire ដែលស្ថិតនៅចម្ងាយប្រហែល 70 ម៉ាយប្រហែលជាង ១១២ គីឡូម៉ែត្រនៅភាគខាងកើតនៃទីក្រុង Fraserburgh របស់ប្រទេសស្កត់ឡេន។

លោក Steven John Mortimer អ្នកមុជទឹកជាមួយនឹងក្រុម Lost in Waters Deep បានពន្យល់ថា បំណែកខ្មោចនាវានេះត្រូវបានរកឃើញដោយការវិភាគពីទិនានុប្បវត្តិថ្ងៃរបស់ប្រធានក្រុមនាវិកក៏ដូចជាសៀវភៅកំណត់ហេតុពី Royal Navy Cruisers ផ្សេងទៀតដែលបានផ្ញើសំបុត្រគ្នាទៅវិញទៅមកជាមួយនាវា HMS Hawk។

ក្រុមនេះបាននិយាយថា ពួកគេមានការភ្ញាក់ផ្អើលយ៉ាងខ្លាំងនៅពេលពួកគេបានឃើញមានការដុះស្លែនៅលើបំណែកខ្មោចនាវាកម្សាន្តនេះ ហើយឥឡូវនេះលោក Mortimer កំពុងរង់ចាំកងទ័ពជើងទឹក Royal Navy ដើម្បីផ្តល់ការបញ្ជាក់អំពីរបកគំហើញនេះថា តើវាពិតជានាវាកម្សាន្តនោះពិតមែន ឬយ៉ាងណានៅក្នុងរយៈពេលប៉ុន្មានសប្តាហ៍ខាងមុខទៀតនេះ៕

ប្រែសម្រួល៖ ប៉ិច ស៊ីនួន