លោក Xi Jinping ប្រធានាធិបតីចិន បានជួបជាមួយលោក Pham Minh Chinh នាយករដ្ឋមន្ត្រីវៀតណាម នៅថ្ងៃពុធ(២៦មិថុនា) នៅទីក្រុងប៉េកាំង។

លោក Xi  បានស្វាគមន៍ លោក Chinh  នៅវិមានប្រជាជនចិន(Great Hall of the People)។ ក្នុងកិច្ចពិភាក្សាទ្វេរភាគី,  ប្រទេសទាំងពីរ កំពុងនាំយកទំនាក់ទំនងទ្វេរភាគីទៅកាន់កម្រិតថ្មីមួយ និងបានសង្កត់ធ្ងន់លើវឌ្ឍនភាពនៃការផ្លាស់ប្តូរ និងកិច្ចសហប្រតិបត្តិការលើវិស័យផ្សេងៗក្នុងរយៈពេល៦ខែចុងក្រោយនេះ។

ប្រធានាធិបតីចិនលោក Xi បានកោតសរសើរ និងលើកទឹកចិត្តចំពោះមាគ៌ារបស់ប្រទេសវៀតណាមលើ«ប្រព័ន្ធសង្គមនិយម» ដែលប្រទេសទាំងពីរ រក្សាបាននូវការអភិវឌ្ឍន៍សេដ្ឋកិច្ចយ៉ាងឆាប់រហ័ស និងស្ថិរភាពសង្គមរយៈពេលវែង។ លោកបន្ថែមថា ប្រទេសទាំងពីរ នឹងបន្តពង្រឹងការផ្លាស់ប្តូរ, ការរៀនសូត្រគ្នាទៅវិញទៅមក និងកិច្ចសហប្រតិបត្តិការ។

លោកនាយករដ្ឋមន្ត្រីវៀតណាម Pham Minh Chinh បានទៅបំពេញទស្សនកិច្ចនៅប្រទេសចិនចាប់តាំងពីថ្ងៃ២៤មិថុនា ។ នៅប្រទេសចិន លោកចូលរួមកិច្ចប្រជុំវេទិកាសេដ្ឋកិច្ចពិភពលោក«World Economic Forum (WEF)»នៅទីក្រុងDalian ខេត្តLiaoning ។

ប្រទេសចិន ជាប្រទេសដៃគូពាណិជ្ជកម្មធំបំផុតរបស់ប្រទេសវៀតណាម។ 

ប្រែសម្រួល៖ណាវ័ន្ត