ថ្ងៃអង្គារ៍ ទី២១ ខែឧសភា ឆ្នាំ២០២៤
ថ្ងៃអង្គារ៍ ទី២១ ខែឧសភា ឆ្នាំ២០២៤
មិនត្រឹមតែទស្សនិកជនមើលហើយស្រែកស្ទើរបែកសាលបញ្ចាំងប៉ុណ្ណោះទេ សូម្បីតួអង្គសម្តែង «ខ្មោចគ្រូកំណើត» ក៏ព្រឺរោម ព្រោះបានជួបហេតុការណ៍ពិតៗនឹកស្មានមិនដល់ផ្សេងៗគ្នាអំឡុងពេលថត។
ស្របពេលដែលភាពយន្តរន្ធត់លាយកំប្លែងរបស់ LD Entertainment ចំណងជើង «ខ្មោចគ្រូកំណើត» កំពុងចាក់បញ្ចាំងគ្រប់រោងភាពយន្តទូទាំងប្រទេសកម្ពុជា តារាសម្តែង ២រូប ក្នុងរឿងនេះ គឺលោក ពុទ្ធិឬទ្ធិ និងលោក សេង ផានិត បានរៀបរាប់ហេតុការណ៍ពិតដ៏គួរឱ្យខ្លាច ដែលបានកើតឡើងអំឡុងពេលថតរឿងនេះផ្ទាល់តែម្តង។
លោក សេង ផានិត សម្តែងជាតួអង្គ វុធ ក្នុងរឿង «ខ្មោចគ្រូកំណើត» ចង់ឱ្យទស្សនិកជន និងអ្នកនិយមទស្សនារឿងបែបរន្ធត់ព្រឺព្រួចមកទស្សនារឿងនេះឱ្យច្រើនកុះករ មកទទួលយករសជាតិសាច់រឿងថ្មីឆ្លុះបញ្ចាំងពីអបិយជំនឿកើតឡើងពីការបន់ស្រន់សុំរឿងអ្វីមួយ ដែលយើងនឹកស្មានមិនដល់។
ក្រៅពីភាពរន្ធត់លាយឡំសំណើច លោក ពុទ្ធិឬទ្ធិ យល់ថា រឿង «ខ្មោចគ្រូកំណើត» ក៏ផ្តល់នូវអារម្មណ៍មនោសញ្ចេតនា និងសាមគ្គីភាពជំរុញឱ្យភាពជោគជ័យមួយកើតឡើងផងដែរ ដែលនេះជាគុណតម្លៃដ៏ធំមួយដែលគ្រប់គ្នាទទួលបានពីរឿងនេះ។សូមជម្រាបថា រឿង «ខ្មោចគ្រូកំណើត» កំពុងចាក់បញ្ចាំងគ្រប់រោងភាពយន្តទូទាំងប្រទេសកម្ពុជា ចាប់ពីថ្ងៃទី៩ ខែឧសភា ម្សិលមិញតទៅ!
អត្ថបទ៖ រ៉ាត់ ចាន់ធីតា រូបភាព៖ ឃាង ទូច