អ្នកចាត់ការក្រុម Arsenal លោក Mikel Arteta បាននិយាយថា ការប្រកួតជុំទី៤ FA Cup របស់ក្រុមលោកជាមួយនឹងក្រុម Manchester City នៅថ្ងៃសុក្រ (២៧ មករា) អាចជាពេលវេលាកំណត់សម្រាប់ក្រុមភាគខាងជើងទីក្រុងឡុងដ៍។

Arsenal និង Manchester City ស្ថិតក្នុងការប្រជែងគ្នាដណ្ដើមពាន Premier League នៅរដូវកាលនេះដោយក្រុមរបស់លោក Arteta ឈរនៅលើកំពូលតារាងលីគដោយមាន 50 ពិន្ទុបន្ទាប់ពីការប្រកួតចំនួន 19 ប្រកួតពីលើក្រុម Man City។ខណៈក្រុមទាំង២នឹងត្រូវប៉ះគ្នានៅកីឡដ្ឋាន Etihad ក្នុងការប្រកួត FA Cup ជុំទីបួននៅថ្ងៃសុក្រ។

Arteta ដែលបានដឹកនាំក្រុម Arsenal ទៅកាន់ពានរង្វាន់ FA Cup ក្នុងឆ្នាំ 2019-20 បាននិយាយថា ជ័យជម្នះនៅថ្ងៃសុក្រនឹងផ្តល់សន្ទុះដល់ក្រុមរបស់ខ្លួននិងបង្កើនទំនុកចិត្តរបស់ពួកគេ។ “វាគឺជាការប្រកួតប្រជែងដ៏សំខាន់សម្រាប់ពួកយើង ហើយការឈ្នះនឹងកំណត់ពេលវេលានេះ ប្រាកដណាស់ព្រោះវានឹងផ្តល់ឱ្យយើងនូវឱកាសដើម្បីព្យាយាមបន្ត និងឈ្នះពានរង្វាន់នេះ។

អតីតខ្សែបម្រើArsenalលោក Mikel Arteta បានបម្រើការជាជំនួយការរបស់លោក Guardiola នៅ Man City ពីឆ្នាំ 2016 ដល់ឆ្នាំ 2019 មុនពេល Arsenal តែងតាំងគាត់ជាអ្នកចាត់ការបន្ទាប់ពីការចាកចេញរបស់លោក Unai Emery ។

នៅពេលសួរអំពីអារម្មណ៍របស់គាត់ចំពោះការទៅដឹកនាំជាមួយលោក Guardiola ក្នុងលីក និង FA Cup លោក Arteta បានប្រាប់អ្នកសារព័ត៌មានថា "ខ្ញុំចង់ធ្វើវាជាមួយអ្នកដ៏ទៃដើម្បីឱ្យមានភាពយុត្តិធម៌ ព្រោះខ្ញុំចង់បានអ្វីដែលល្អបំផុតសម្រាប់គាត់។