ថ្ងៃសុក្រ ទី២៦ ខែមេសា ឆ្នាំ២០២៤
ថ្ងៃសុក្រ ទី២៦ ខែមេសា ឆ្នាំ២០២៤
កម្មវិធី «Family Feud Cambodia » ដែលជាកម្មវិធីកម្សាន្តលំដាប់ពិភពលោកមួយដែលស្ថានីយ៍ ទូរស្សន៍ ភីអិនអិន បានទិញសិទ្ធផ្តាច់មុខដំបូងគេនៅកម្ពុជា។
កម្មវិធីនេះទទួលបានការចាប់អារម្មណ៍ខ្លាំងពីសំណាក់ទស្សនិកជននាពេលកន្លងមក ដោយឡែកនៅក្នុងរដូវកាលទី ២ នេះកាន់ពីតែប្លែក ជាងរដូវកាលទី ១ ដែលនឹងធ្វើឱ្យអ្នកទស្សនាជក់ចិត្តឌិតអារម្មណ៍ សើចសប្បាយ ជាមួយនិងការឆ្លើយសំណួរងាយៗដែលគ្រប់គ្នានឹកស្មានមិនដល់ ។
កម្មវិធី Family Feud Cambodia ក៏បានផ្តល់ឱកាសដល់មហាជនទូទៅអាចចូលរួមប្រកួតបានដូចគ្នា មិនថា សិស្ស និស្សិត អាជីវករ ឬ សិល្បករនោះទេ ។
សម្រាប់រដូវកាលទី ២ នេះ កម្មវិធី «Family Feud Cambodia » កាន់តែពិសេសជាងរដូវកាលទី ១ ជាក់ស្តែងលោក ប៉ែន ចំរុង ដែលជាពិធីករនឹងធ្វើឱ្យ ទស្សនិកជនសើចសប្បាយជាមួយជាមួយសំនួនវោហារស័ព្ទមិនចេះរីងស្ងួត ។
លោក ប៉ែន ចំរុង បានបន្ថែមទៀតថា ការទស្សនា កម្មវិធី Family Feud ផ្តល់អត្ថប្រយោជន៍ជាច្រើន ទី ១ នេះជាកម្មវិធីបែបសកលយកមកពីសហរដ្ឋអាមេរិក ទី ២ យើងបានដឹងពីទស្សនៈអ្នកបង្កើតកម្មវិធីទូទាំងពិភពលលោក ស៊ីជំរៅកម្រិតណា ទី ៣ មើលដឹងពីចំណេះដឹងទូទៅរបស់មនុស្សម្នាក់ៗ ទី ៤ មើលឃើញពីការប្រកួតប្រជែង និងផ្តល់ចំណេះដឹងច្រើនទៀត ។
ជាមួយគ្នានេះផងដែរ សិល្បករដែលបានចូលរួមក្នុងការលេងហ្គេមនៅក្នុងរដូវកាលទី ២ ម្នាក់ៗសុទ្ធតែប្តេជ្ញាចិត្ត យកឈ្នះលើគូប្រកួតឱ្យបាន ។
ក្រឡេកមកមើលក្រុម « ត្រីប្រា » វិញម្តងក៏មិនអន់នោះទេ ពួកគេបានត្រៀមខ្លួនរួចជាស្រេចដើម្បីប្រកួតប្រជែងជាមួយ ក្រុម « Super Plus » ។
គួរបញ្ជាក់ផងដែរថា កម្មវិធី Family Feud ជាហ្គេមទូរទស្សន៍មួយមានដើមកំណើតនៅ សហរដ្ឋអាមេរិក តាំងពីឆ្នាំ ១៩៧៦ មកម្ល៉េះ រហូតមកទល់ពេលនេះវាបានក្លាយទៅជាកម្មវិធីមួយក្នុងចំណោមកម្មវិធី ទូរទស្សន៍ដែលមានប្រជាប្រិយភាពបំផុតចំនូន ៥ លើកំពូលតារាងនៅ អាមេរិក ។
ក្រៅពីប្រទេស កម្ពុជា ដែល Family Feud ត្រូវបាននាំចូលដោយ ទូរទស្សន៍ ភីអិនអិន កម្មវិធីនេះត្រូវបាននាំចូលទៅទីផ្សារអន្តរជាតិជាង ៥០ ប្រទេសរួចមកហើយ ៕
អត្ថបទ ៖ ម៉ា រីសា រូបភាព ៖ ហ៊ុន សុជាតា