ថ្ងៃសុក្រ ទី២៦ ខែមេសា ឆ្នាំ២០២៤
ថ្ងៃសុក្រ ទី២៦ ខែមេសា ឆ្នាំ២០២៤
នៅព្រឹកថ្ងៃទី២៦ ខែសីហា ឆ្នាំ២០១៧ លោក សុខ ពេញវុធ អភិបាលខណ្ឌដូនពេញ ចុះពិនិត្យការលុបបំបាត់ទាំងស្រុងនូវចំណតយានយន្តបែបអនាធិបតេយ្យ ជុំវិញបរិវេណ ទីលានប្រជាធិបតេយ្យ រហូតដល់ផ្សារចាស់។ ក្នុងនោះ លោកអភិបាលខណ្ឌដូនពេញ បានអះអាងថា ប្រសិនបើម្ចាស់រថយន្ត និងអ្នកគួកជេរថយន្ដ នៅបន្តចតទៀត សាលាខណ្ឌដូនពេញនឹង ប្រើវិធានការក្តៅ ដោយស្ទូចរថយន្តទៅរក្សាទុកនៅខណ្ឌ ក្នុងរយះពេលវែងទើប អោយម្ចាស់ រថយន្តចូលដោះស្រាយ ។
ថ្ងៃឳសានវាទនៃការតម្រូវអោយអ្នកលក់ និងគួកជេរថយន្ដនៅជុំវិញទីលានប្រជាធិប តេយ្យចាស់ ស្ថិតនៅក្នុងខណ្ឌដូនពេញ ចាកចេញទៅរកកន្លែងថ្មីប្រកបធ្វើអាជីវកម្ម បានមកដល់ហើយ នៅថ្ងៃទី២៦ សីហានេះ។ លោក សុខ ពេញវុធ អភិបាលខណ្ឌដូនពេញ បានអះអាងថា ប្រសិនបើម្ចាស់រថយន្ត និងអ្នកគួកជេរថយន្ដ នៅបន្តចតទៀត សាលាខណ្ឌដូនពេញនឹងប្រើវិធានការក្តៅដោយស្ទូចរថយន្តទៅរក្សាទុកនៅខណ្ឌក្នុងរយះពេលវែងទើប អោយម្ចាស់រថយន្តចូលដោះស្រាយ ។
លោកអភិបាលខណ្ឌដូនពេញ បានបន្ថែមថា ការដាក់តាំងលក់បែបនេះ គឺបាន ធ្វើឲ្យប៉ះពាល់ ដល់សណ្ដាប់ធ្នាប់សាធារណៈ រញ៉េរញ៉ៃតាមដងផ្លូវ និងស្ទះចរាចរណ៍ជាដើម។ ហើយចាប់ពី ថ្ងៃទី២៦ សីហា នេះទៅ លោក នឹងឲ្យកំលាំងរបស់ខណ្ឌ ប្រចាំការ ជារៀងរាល់ថ្ងៃ ដើម្បីកុំឲ្យស្ថានភាព នៃការដាក់តាំងលក់រថយន្តទាំងនោះ វិលត្រលប់មកដូចស្ថានភាពដើម។
សូមជម្រាបថា កាលពីថ្ងៃទី១៩សីហា លោក សុខ ពេញវុធ អភិបាលខណ្ឌដូនពេញ បានប្រកាសដាក់ ឱសានវាទ រយៈពេល ៧ថ្ងៃ ដើម្បីលុបបំបាត់ចំណតយានយន្ត បែបអនាធិបតេយ្យ ជុំវិញបរិវេណទីលាន ប្រជាធិបតេយ្យ រហូតដល់ផ្សារចាស់ បន្ទាប់ពីបានចុះហត្ថលេខាប្រគល់ រវាងរដ្ឋបាលរាជធានីភ្នំពេញ និងរដ្ឋបាលខណ្ឌដូនពេញ ដើម្បីអោយដំណើរការប្រព្រឹត្ត ទៅដោយមានប្រសិទ្ធភាព និងមានភាពទទួលខុសត្រូវ កាលពីថ្ងៃទី១៦ សីហា ២០១៧ ៕
ប្រភព៖ PNN News