ថ្ងៃច័ន្ទ ទី២០ ខែឧសភា ឆ្នាំ២០២៤
ថ្ងៃច័ន្ទ ទី២០ ខែឧសភា ឆ្នាំ២០២៤
ទឹកជំនន់នៅប្រេស៊ីលបានធ្វើឱ្យសត្វសេះមួយក្បាលត្រូវជាប់នៅលើដំបូលអាគារ។
ក្នុងគ្រោះមហន្តរាយទឹកជំនន់នៅប្រទេសប្រេស៊ីល គេឃើញមានសត្វសេះមួយក្បាលត្រូវជាប់នៅលើដំបូលអាគារក្នុងតំបន់រងគ្រោះទឹកជំនន់ធ្ងន់ធ្ងរនៅរដ្ឋរីអូ ហ្គ្រេន ដូសូល(Rio Grande do Sul) នៅថ្ងៃពុធ(៨ឧសភា)។
រូបភាពពីលើអាកាស បង្ហាញថា សត្វសេះសម្បុរត្នោតមួយក្បាល ឈរនៅលើដំបូលអាគារដែលព័ទ្ធជុំវិញដោយទឹកជំនន់។
ទីភ្នាក់ងារការពារពលរដ្ឋស៊ីវិលប្រទេសប្រេស៊ីលឱ្យដឹងថា តួលេខមនុស្សស្លាប់ក្នុងគ្រោះទឹកជំនន់បានកើនឡើងដល់៩០នាក់ និងមនុស្ស១៣១នាក់បាត់ខ្លួន។ ស្របគ្នាមនុស្ស១៥៥,០០០នាក់បាត់បង់ទីជម្រក។
ភ្លៀងធ្លាក់ខ្លាំងដែលបានចាប់ផ្តើមកាលពីសប្តាហ៍មុន បានបង្កឱ្យទឹកទន្លេជាច្រើនឡើងជោរជន់ហៀរហួសច្រាំងលិចទីក្រុងជាច្រើន បំផ្លាញផ្លូវ និងស្ពាន រួមទាំងអាកាសយានដ្ឋានជាច្រើនផងដែរ។
តាមការព្យាករណ៍ ភ្លៀងធ្លាក់នឹងថមថយចុះនៅថ្ងៃព្រហស្បត៍ ប៉ុន្តែភ្លៀងនឹងនៅតែបន្តធ្លាក់រហូតដល់ចុងសប្តាហ៍។
ប្រែសម្រួល៖ណាវ័ន្ត