ថ្ងៃសុក្រ ទី១៧ ខែឧសភា ឆ្នាំ២០២៤
ថ្ងៃសុក្រ ទី១៧ ខែឧសភា ឆ្នាំ២០២៤
សមរភូមិ Miss Grand Cambodia 2024 កាន់តែក្តៅគគុកដោយមានបេក្ខភាពឆ្នើមៗច្រើនតែ កញ្ញា ឌី បញ្ញាវិមាលា Miss Grand សៀមរាប មិនបន្ធូរដៃឡើយ ដោយនាងបានត្រៀមខ្លួនរួចជាស្រេច ដើម្បីដណ្តើមកុដជយលាភី ឆ្ពោះទៅការតំណាងជាតិកម្ពុជាលើឆាកអន្តរជាតិ។
ស្របពេលដែលសមភូមិ Miss Grand Cambodia 2024 កំពុងចាប់ផ្តើម បេក្ខភាពផ្លូវការទាំងអស់ក៏សម្រុកបញ្ចេញសមត្ថភាពរបស់ពួកគេរៀងៗខ្លួន ដើម្បីសន្សំពិន្ទុសម្រាប់ដណ្តើមមកុដ Miss Grand Cambodia 2024 បន្ទាប់ពីជយលាភីឆ្នាំមុន កញ្ញា ភឹម ស្រីនោ។ក្នុងចំណោមបេក្ខភាពទាំងអស់ ក៏មានបវរកញ្ញាវ័យក្មេង ឌី បញ្ញាវិមាលា ផងដែរ ដោយនាងជាបេក្ខភាពលេចធ្លោម្នាក់ក្នុងចំណោមបេក្ខភាពផ្លូវការទាំងអស់ ដែលហ្វេនៗ និងអ្នកនិយមតាមដានវិស័យបវរកញ្ញានៅកម្ពុជាផ្តោតការចាប់អារម្មណ៍ទៅលើ។
ផ្តល់កិច្ចសម្ភាសន៍ក្នុងថ្ងៃ សង្ក្រាន្តកូនខ្មែរ ២ មាលា ថា នាងបានត្រៀមខ្លួនជាស្រេចហើយសម្រាប់ការប្រកួតដ៏អស្ចារ្យ Miss Grand Cambodia 2024 ទោះបីបេក្ខភាពឆ្នាំនេះសុទ្ធសឹងតែខ្លាំងៗ ហើយមានសមត្ថភាពខ្ពស់រៀងៗខ្លួនក៏ពិតមែន។ នាងបានយកចិត្តទុកដាក់ផ្តោតសំខាន់លើចំនុចតូចៗគ្រប់យ៉ាងនៃកម្មវិធី ដើម្បីប្រាកដថា ខ្លួនឯងមិនមានចន្លោះខ្វះខាតណាមួយអំឡុងពេលប្រកួត។
ខណៈការប្រកួតកំពុងចាប់ផ្តើម Miss Grand សៀមរាប រូបនេ ប្តេជ្ញាបញ្ចេញឱ្យអស់ពីសមត្ថភាព និងទេពកោសល្យដែលមាន ដើម្បីដណ្តើមមកុដ Miss Grand Cambodia 2024 និងមានឱកាសតំណាងកម្ពុជាលើឆាកអន្តរជាតិ។ជាចំណែកចូលរួមជំរុញឱ្យក្តីស្រមៃនេះក្លាយជាការពិត មាលា បានខំប្រឹងពង្រឹងសមត្ថភាពជាច្រើនផ្នែក ទាំងការច្រៀង-រាំ ការដើរ និង ភាសា ជាដើម។ អ្វីដេលសំខាន់ គឺនាងហ៊ានវះកាត់កែច្រមុះក្នុងវ័យ១៨ឆ្នាំ ដើម្បីបង្កើនសម្រស់ និងភាពជឿជាក់លើខ្លួនឯងសម្រាប់ការប្រកួតប្រជែងនេះ។
គេសង្កេតឃើញថា បវរកញ្ញារូបស្រស់ ឌី បញ្ញាវិមាលា ពិតជាធ្វើបានល្អតាំងពីថ្ងៃចាប់ផ្តើមការប្រកួត សូម្បីវីដេអូ Talent Grand ក៏លេចធ្លោមិនចាញ់បេក្ខភាពផ្សេងៗនោះឡើយ។ ហើយនាងនិងខិតខំបញ្ចេញសមត្ថភាពបន្ថែមទៀតឱ្យកាន់តែខ្លាំង ដើម្បីទាក់ទាញពិន្ទុពីគណៈកម្មការជំនាញ។ កុំភ្លេចរង់ចាំតាមដានការប្រកួត ក៏ដូចជាការបញ្ចេញសមត្ថភាពផ្សេៗរបស់ ឌី បញ្ញាវិមាលា ទាំងអស់គ្នា!
អត្ថបទ៖ រ៉ាត់ ចាន់ធីតា រូបភាព៖ ឃាង ទូច