មន្ត្រីនៅប្រទេសអាហ្រ្វិកខាងត្បូងកំពុងស៊ើបអង្កេតពីការកើនឡើងដ៏គួរឱ្យព្រួយបារម្ភចំពោះការងាប់សត្វភេសមុទ្រនៅតាមបណ្តោយឆ្នេរសមុទ្រភាគខាងលិចរបស់ប្រទេសនេះនៅជិតទីក្រុង ខេប (Cape) នៅក្នុងមូលហេតុដែលទំនងជាដោយសារកង្វះអាហារូបត្ថម្ភ។

សាកសពសត្វភេសមុទ្រជាច្រើនត្រូវបានទឹករលកបោកនាំទើនៅលើឆ្នេរសមុទ្រនានាក្នុងទីក្រុង ខេបនិងនៅតាមបណ្តោយឆ្នេរនៃមហាសមុទ្រអាត្លង់ទិកជាច្រើនស្ថិតនៅភាគខាងជើងនៃទីក្រុងនេះ។ សាកសពសត្វភេសមុទ្រកាន់តែច្រើនទៀតត្រូវបានគេប្រទះឃើញអណ្តែតនៅលើផ្ទៃសមុទ្រ។

លោក ជេម ប្រេន ស្ទីយ៉ាន (James-Brent Styan) អ្នកនាំពាក្យរបស់នាយកដ្ឋានបរិស្ថាននៃខេត្ត Western Cape បាននិយាយថា ការដែលសត្វភេសមុទ្របានងាប់នៅក្នុងអំឡុងពេលនេះគឺជារឿងធម្មតាទៅហើយប៉ុន្តែអ្វីដែលចម្លែកនោះគឺថា ចំនួនងាប់នៅពេលនេះគឺច្រើនខុសពីធម្មតាទៅទៀត។

រដ្ឋាភិបាលខេត្តនេះបានកាលពីសប្ដាហ៍មុនថា ពួកគេបានកប់សត្វភេសមុទ្រចំនួនជិត ២០០ ក្បាល។
លោក ស្ទីយ៉ាន បាននិយាយថា មន្ត្រីរបស់លោកសង្ឃឹមថា ការស្លាប់របស់សត្វភេនេះនឹងកើនឡើងថែមទៀតនៅពេលពួកគេត្រឡប់មកពីប្រមូលព័ត៌មានតាមសេវាពេទ្យសត្វនៅក្នុងខេត្តនេះ។

ក្រុមមន្ត្រីជំនាញជឿថា ការរីករាលដាលនៃជំងឺគ្រុនផ្តាសាយបក្សីដែលប៉ះពាល់ដល់សត្វសមុទ្រព្រៃនៅតំបន់ Western Cape នេះប្រហែលជាមិនស្ថិតនៅពីក្រោយនៃការស្លាប់ចុងក្រោយរបស់សត្វភេសមុទ្រទាំងនេះឡើយ៕

ប្រែសម្រួល៖ ប៉ិច ស៊ីនួន