ថ្ងៃអាទិត្យ ទី២៨ ខែ​វិច្ឆិកា ឆ្នាំ២០២១

សត្វសុនកបានលិទ្ធនិងត្រដុសក្បាលពោះដើម្បីធ្វើឱ្យអ្នកជំងឺធូរស្បើយពីជំងឺនៅប្រទេសឈីលី

ប្រទេសឈីលីបានបង្វឹកហាត់សត្វសុនកមួយចំនួនឱ្យធ្វើជាគ្រូពេទ្យព្យាបាលអ្នកជំងឺដោយប្រើចលនានៅតាមមន្ទីរពេទ្យមួយចំនួនជាពិសេសមន្ទីរពេទ្យកុមារដើម្បីឱ្យគ្រូពេទ្យទាំងនេះបានលិឍដៃជើងនិងត្រដូសក្បាលពោះដើម្បីឱ្យអ្នកជំងឺបានធូរស្បើយពីជំងឺក្នុងអំឡុងពេលជំងឺខូវីដ១៩។

 

 

 

សត្វសុនកឈ្មោះ Pepe ដែលជាគ្រូពេទ្យព្យាបាលដោយប្រើចលនា (Therapist) និងដែលមានរោមពណ៌ទង់ដែងវែងនិងដៃគូរបស់វាគឺឈ្មោះ Chimu សម្បុរស-ខ្មៅបានដើរនៅតាមសាលធំនៃមន្ទីរពេទ្យកុមារមួយនៅរដ្ឋធានីសាន់ទីយ៉ាហ្គោដោយលិឍដៃនិងត្រដុសត្រចៀកនិងក្បាលពោះអ្នកជំងឺ។

 


សុនកទាំង២នេះគឺជាផ្នែកមួយនៃក្រុមអ្នកបង្ហាត់សត្វឆ្កែញីដើម្បីជួយបន្ធូរភាពតានតឹងនៅមន្ទីរពេទ្យ អ៊ីកសេក្វៀល ហ្គូនហ្សាឡិស ខូតេស (Exequiel Gonzalez Cortes) នៅក្នុងទីក្រុង San Miguel ដែលបានរងគ្រោះជាច្រើនខែដោយសារករណីឆ្លងវីរុសកូរ៉ូណា និងការវះកាត់សង្គ្រោះបន្ទាន់ផ្សេងៗទៀត។

 


អ្នកស្រី នីកូឡេ ហ្វោស (Nicole Faust) ជាគ្រូបង្វឹកសត្វឆ្កែរបស់អង្គការមិនមែនរដ្ឋាភិបាល Fundacion Tregua ដែលធ្វើការព្យាបាលដោយប្រើសត្វឆ្កែនេះបាននិយាយថា នៅពេលមាននរណាម្នាក់ចូល (មន្ទីរពេទ្យ) ជាមួយសត្វឆ្កែ ពួកគេទាំងអស់គ្នាស្វាគមន៍អ្នកទាំងនោះដោយការបញ្ចេញមតិផ្សេងៗ។

 

 

 

 

 

 

អ្នកស្រី តេរ៉េសា នីឡូ (Teresa Nilo) មន្ត្រីបច្ចេកទេសមន្ទីរពេទ្យដែលបានឆ្លងជំងឺខូវីដ១៩បាននិយាយថា សត្វឆ្កែបានជួយផ្លាស់ប្តូរ អាកប្បកិរិយារបស់នាង។

 

ការមានឆ្កែនៅក្បែរខ្លួនផ្តល់ឱ្យគាត់នូវភាពស្ងប់ចិត្តស្ងប់អារម្មណ៍ និងហាក់ដូចជាធ្វើឱ្យស្ថិតនៅកន្លែងកក់ក្ដៅច្រើនជាងនៅក្នុងមន្ទីរពេទ្យ៕

 

 

 

 

ប្រែសម្រួល៖ ប៉ិច ស៊ីនួន

ព័ត៌មានដែលទាក់ទង

Copyright © 2016 PNN NEWS. All Rights Reserved.