ក្រុមកាំភ្លើងធំ Arsenal បានទៅដល់ទីលានហ្វឹកហាត់នៅថ្ងៃចន្ទ (ទី 21 ខែតុលា) ខណៈដែលពួកគេត្រៀមខ្លួនដើម្បីត្រលប់មកវិញពីការបរាជ័យក្នុងក្របខ័ណ្ឌ Premier League ជាលើកដំបូងរបស់ពួកគេក្នុងរដូវកាលនេះទល់និង AFC Bournemouth ហើយយប់នេះពួកគេនឹងលេងក្នុងការប្រកួតក្នុងដីរបស់ពួកគេជាមួយនឹងក្រុមអ៊ុយក្រែន Shakhtar Donetsk ក្នុងក្របខ័ណ្ឌ Champions League ។

ការចាញ់ 2-0 កាលពីថ្ងៃសៅរ៍នៅលើទឹកដី Bournemouth បាននាំឱ្យ Arsenal ឈរលេខ៣ក្នុងតារាងដែលមាន 17 ពិន្ទុក្រោម Liverpool ចំនួន 4ពិន្ទុ និងតាមពីក្រោយក្រុម Manchester City ចំនួន 3 ។Shakhtar នៅតែមិនទាន់រកជ័យជំនះនៅ Champions League របស់ពួកគេទេ បន្ទាប់ពីបានស្មើទល់ Bologna និងចាញ់ Atalanta 3-0 ។