ខណៈកម្មវិធីប្រឡងរ៉េបដ៏ធំនឹងចាប់ផ្ដើមចាក់បញ្ចាំងផ្លូវការនៅលើកញ្ចក់ទូរទស្សន៍ PNN នាចុងសប្ដាហ៍នេះ កម្មវិធី Rapper Fighter បានដាក់បង្ហាញផ្ទាំងបាណូធំៗរបស់ខ្លួននៅលើបណ្ដាដងផ្លូវធំៗសំខាន់ៗនានានៅរាជធានីភ្នំពេញ។

កម្មវិធី ប្រឡងរ៉េបដ៏ធំ Rapper Fighter ដែលទស្សនិកជនកំពុងទន្ទឹងរង់ចាំនេាះ នឹងបង្ហាញផ្លូវការនៅលើកញ្ចក់ទូរទស្សន៍ PNN នៅថ្ងៃទី 13 ខែតុលា  ឆ្នាំ២០២៤ ចុងសប្ដាហ៍នេះហើយ។

ទន្ទឹមនឹងកម្មវិធីនេះបង្ហាញវត្តមានដំបូងនៅ PNN ផ្ទាំងប៉ាណូធំៗរបស់ Rapper Fighter បានដាក់បង្ហាញតាមដងវិថីសំខាន់ៗនៅរាជធានីភ្នំពេញ ដែលបង្កអោយមានការចាប់អារម្មណ៍ជាខ្លាំងពីមហាជន ជាពិសេសបណ្ដាអ្នកគាំទ្រវិស័យរ៉េបនៅ កម្ពុជា។

កម្មវិធីប្រឡងចម្រៀងរ៉េបដ៏ធំមួយ ប្រចាំឆ្នាំ 2024 នេះ កំពុងតែបង្កភាពចាប់អារម្មណ៍យ៉ាងខ្លាំង ដោយផ្ទាំងប៉ាណូជាច្រើនត្រូវបានដាក់តាំងតាមបណ្តាផ្លូវជាច្រើន ដើម្បីលើកទឹកចិត្តអ្នកគាំទ្រ និងធ្វើឱ្យពួកគេចង់ឃើញកម្មវិធីនេះកាន់តែឆាប់។

ចាប់តាំងពីការប្រកាសជាផ្លូវការកាលពីខែមុន Rapper Fighter បានធ្វើឱ្យវិស័យតន្ត្រីភ្ញាក់ផ្អើល។ បេក្ខជនជាង 1000 នាក់បានដាក់ពាក្យចូលរួមប្រកួត ហើយនៅទីបំផុតកម្មវិធីចម្រាញ់បានបេក្ខភាពឆ្នើមៗ ៥០នាក់ចុងក្រោយ ដើម្បីបន្តដំណ់រទៅវគ្គបន្តបញ្ចេញសមត្ថភាពលើឆាក។ 

អ្នកគាំទ្រ ជាច្រើនបានចូលរួមសកម្មក្នុងការបញ្ចេញមតិលើផេក Rapper Fighter ស្ទើររាល់ថ្ងៃ ដោយសារតែការរំពឹងចាំមើលកម្មវិធីនេះយ៉ាងខ្លាំង។បណ្ដាអ្នកគាំទ្រចាប់អារម្មណ៍យ៉ាងខ្លាំងចំពោះការរៀបចំរបស់កម្មវិធីនេះ ដែលពួកគេបាននិយាយថា មានលក្ខណៈស្រស់ស្រាយ និងប្លែកពីទម្រង់កម្មវិធីទិញពីបរទេស។ 

ការបង្ហាញខ្លួនរបស់ COACH ទាំង5 រូប មានដូចជា RuthKo, Chea Socheat, King Chi, Vuthea, Punleur Koa និង Producers 3 រូប JUVIE, SONGHA, Sophia Kao បូករួមជាមួយពិធីករ លោក HENG ពូកែសំដី និងពិធីការនី FAFA ស្អាត ឆ្លាត រាងសិចស៊ី ក៏បានធ្វើគ្រប់គ្នាចង់ដឹងថា តើនរណាជាអ្នកយកឈ្នះ និងក្លាយជាជើងឯកប្រចាំកម្មវិធី។

កុំភ្លេចរង់ចាំទស្សនាកម្មវិធី Rapper Fighter ដែលចាក់ផ្សាយលើកដំបូងនៅលើកញ្ចក់ទូរទស្សន៍ PNN នាថ្ងៃអាទិត្យ ទី១៣ ខែតុលា ឆ្នាំ២០២៤ នេះ វេលាម៉ោង ៨ ដល់ម៉ោង ១០យប់៕

អត្ថបទ និងរូបភាព ៖ PNN