ក្លិប West Ham United បានចុះហត្ថលេខាលើខ្សែប្រយុទ្ធអាឡឺម៉ង់ Niclas Fullkrug ពីក្លិប Borussia Dortmund ក្នុងកិច្ចសន្យារយៈពេល 4 ឆ្នាំ នេះបើតាមក្លិបនៅ Premier League បាននិយាយកាលពីថ្ងៃចន្ទ (ទី 5 ខែសីហា) ។

Fullkrug ស្ថិតនៅលើរ៉ាដារបស់ក្លឹបនាទីក្រុងឡុង៍មួយនេះមុនពេលរដូវកាលមុន ប៉ុន្តែបានជ្រើសរើសផ្ទេរពី Werder Bremen ទៅកាន់ក្លឹប Dortmund ជាកន្លែងដែលគាត់បានស៊ុតបញ្ចូលទី 16គ្រាប់ ក្នុងការបង្ហាញខ្លួន 46 ដងនៅគ្រប់ការប្រកួតទាំងអស់។

Fullkrug បាននិយាយថា "ខ្ញុំគិតថា Premier League គឺជាលីកល្អបំផុតនៅក្នុងពិភពលោក ហើយសម្រាប់ខ្ញុំ វាគឺជាពេលវេលាដ៏ត្រឹមត្រូវក្នុងការផ្ទេរទៅកាន់ប្រទេសអង់គ្លេស និងលេងឱ្យក្លឹបធំដូចជា West Ham" ។

ព័ត៌មានលម្អិត នៃកិច្ចព្រមព្រៀងនេះមិនត្រូវបានបង្ហាញឱ្យដឹងនោះទេ ប៉ុន្តែក្រុមញរញួរយក្ស ត្រូវបានគេរាយការណ៍ថាបានចំណាយ 27 លានផោន (34.5 លានដុល្លារ) សម្រាប់កីឡាករអន្តរជាតិអាល្លឺម៉ង់។កីឡាករ Fullkrug វ័យ 31 ឆ្នាំរូបនេះស្ថិតក្នុងក្រុមជម្រើសជាតិអាល្លឺម៉ង់ Euro 2024 ដោយស៊ុតបញ្ចូលទីបាន 2 គ្រាប់ក្នុង 5 ប្រកួត។