ថ្ងៃសៅរ៍ ទី២០ ខែមេសា ឆ្នាំ២០២៤
ថ្ងៃសៅរ៍ ទី២០ ខែមេសា ឆ្នាំ២០២៤
ស្របពេលពិធីបុណ្យចូលឆ្នាំចិនឆ្នាំថោះឈានចូលមកដល់នៅថ្ងៃទី២២ ខែមករាខាងមុខនេះ នៅទីក្រុងជាច្រើនបានរៀបចំកម្មវិធីពិសេសៗ ព្រមជាមួយការរៀបចំតុបតែងលម្អប្លែកៗដើម្បីអបអរថ្ងៃបុណ្យនេះ។
ប្រជាជនចិននៅទូទាំងប្រទេសកំពុងរំជើបរំជួលក្នុងអារម្មណ៍ចំពោះពិធីបុណ្យចូលឆ្នាំថ្មីនាពេលខាងមុខ ដែលជាឱកាសល្អបំផុតសម្រាប់ការជួបជុំគ្រួសារ ។
នៅទីក្រុង Zigong (ជឺកុង) ខេត្តស៊ីឈាន់ ភាគនិរតីនៃប្រទេសចិន ការតាំងពិព័រណ៍គោមធំៗត្រូវបានប្រារព្ធឡើងនៅសប្ដាហ៍នេះ ដោយមានគោមចម្រុះពណ៌ជាច្រើនបង្ហាញពីរូបអគារផ្សេងៗ និងរូបសត្វតំណាងឆ្នាំទាំង១២ផងដែរ។
ទន្ទឹមនឹងនោះ សមាគមចិនសម្រាប់ការផ្លាស់ប្តូរវប្បធម៌ជាមួយបរទេសបានរៀបចំគម្រោង "រីករាយបុណ្យចូលឆ្នាំចិនឆ្នាំ ២០២៣" រៀបចំការប្រារព្ធពិធី ការតាំងពិពណ៌ និងព្រឹត្តិការណ៍ផ្សេងៗទៀត ដើម្បីចែករំលែកបរិយាកាសពិធីបុណ្យ និងសុភមង្គលជាមួយប្រជាជនជុំវិញពិភពលោក។
ជាក់ស្ដែងនៅប្រទេសថៃ ព្រឹត្តិការណ៍ "រីករាយបុណ្យចូលឆ្នាំចិន" ដែលរៀបចំរួមគ្នាដោយប្រទេសទាំងពីរកំពុងត្រូវបានរៀបចំឡើងនៅតំបន់ឆាយណាថោន ទីក្រុងបាងកក។ នៅតាមដងផ្លូវមានអំពូលភ្លឺចែងចាំងជាមួយនឹងការដាក់តាំងចង្កៀងចិន និងភ្លើងភ្លឺចិញ្ចាច ដែលទាក់ទាញពលរដ្ឋក្នុងតំបន់ និងអ្នកទេសចរជាច្រើនឱ្យចូលរួមក្នុងការប្រារព្ធពិធីនេះ។
ព្រឹត្តិការណ៍វប្បធម៌ដ៏គួរឲ្យទាក់ទាញជាច្រើនដូចជា របាំម៉ុងសាយ កាយសម្ព័ន្ធ និងគំនូរស្ករ ក៏ត្រូវបានបង្ហាញនៅតំបន់ឆាយណាថោន ក្នុងប្រទេសអារ៉ាប៊ីសាអូឌីតផងដែរ។
នៅទីក្រុងប៊ុយណូស៊ែរ រដ្ឋធានីនៃប្រទេសអាហ្សង់ទីនវិញ អ្នកប្រណាំងទូកនាគជាង ២០០ នាក់មកពីទូទាំងប្រទេសបានប្រមូលផ្តុំគ្នាដើម្បីសាកល្បងកម្លាំងកាយសម្បទារបស់ពួកគេខណៈកំពុងប្រារព្ធពិធីបុណ្យចូលឆ្នាំថ្មី ៕
ប្រែសម្រួល៖ វ៉ាន់ថន
.jpg)
