ថ្ងៃព្រហស្បតិ៍ ទី២៨ ខែមីនា ឆ្នាំ២០២៤
ថ្ងៃព្រហស្បតិ៍ ទី២៨ ខែមីនា ឆ្នាំ២០២៤
គ្រាន់តែចូលឆ្នាំថ្មីភ្លាម ពេជ្រ សោភា និងលោក ឆឹម សក្កដា បង្ហាញពីគម្រោងរៀបការ បន្ទាប់ពីផ្សះផ្សាយចំណងស្នេហ៍និងគ្នាឡើងវិញ លើកនេះ ពេជ្រ សោភា បានសារភាពថា នាងដឹងពីទុក្ខធុរៈ លោក ឆឹម សក្កដា ជាងនរណាៗទាំងអស់ ។
នេះជាលើកដំបូងហើយដែលតារាចម្រៀង ពេជ្រ សោភា បង្ហាញពីទឹកចិត្តដែលខ្លួនមានចំពោះលោក ឆឹម សក្កដា ជាដៃគូមុននឹងដឹកដៃគ្នាចូលរោងការនៅក្នុងឆ្នាំ ២០២៣ នេះ ។
ចាប់តាំងពីភ្ជាប់ចំណងស្នេហ៍និងគ្នាជាថ្មី ពេជ្រ សោភា ចាប់ផ្តើមរីករាយឡើងវិញ និងតែងតែបណ្តើរគ្នាជាមួយលោក ឆឹម សក្កដា ទៅចូលរួមកម្មវិធីនានារួមគ្នាជាក់ស្តែងតាមរយៈរូបភាពដែលទស្សនិកជនបានឃើញស្រាប់ គឺ ពេជ្រ សោភា បានទៅលើកទឹកចិត្តលោក ឆឹម សក្ខណា រហូតដល់ទីតាំងកម្មវិធី ។
ជួបជាមួយ ពេជ្រ សោភា លើកនេះ នាងបានលាន់មាត់សរសើរពីបុរសសង្ហា ឆឹក សក្កដា ច្រើនជាងរាល់ដង ដែលបង្ហាញថាចំណងស្នេហ៍អ្នកទាំងពីចាប់ផ្តើមរឹងមាំជាងមុន ។ តារាចម្រៀង ពេជ្រ សោភា ថែមទាំងបានលាន់មាត់សរសើរពីលោក ឆឹម សក្កដា ផងដែរថា សក្កដា ជាមនុស្សល្អ ថែមទាំងបានជួយការងារចម្រៀងរបស់នាងផងដែរនាពេលចុងក្រោយនេះ ។
បើទោះបីជា ពេជ្រ សោភា បង្ហាញពីចំណងស្នេហ៍រឹងមាំរបស់ខ្លួនយ៉ាងណាក្តី នាងនៅពុំទាន់បង្ហើបប្រាប់ថាពីពេលវេលារៀបការរបស់ខ្លួនថានឹងរៀបចំឡើងនៅថ្ងៃណាច្បាស់លាស់នោះទេ នាងគ្រាន់តែប្រាប់ថា នាងរឹងរៀបការនៅក្នុងឆ្នាំ ២០២៣ នេះ ប៉ុន្តែ ថ្ងៃ ខែ ច្បាស់លាស់ នាងសុំលាក់សិន ដោយសារនាងចង់ឱ្យមានការភ្ញាក់ផ្អើល ។ ទស្សនិកជនជាច្រើនទន្ទឹងរងចាំមើលគូស្នេហ៍មួយគូនេះដឹកដៃគ្នាចូលរោងការ ៕
អត្ថបទ ៖ ម៉ា រីសា រូបភាព ៖ ឃាង ទូច