ថ្ងៃសុក្រ ទី២៩ ខែមីនា ឆ្នាំ២០២៤

ចូលសិល្បៈជាង១០ ស៊ឹម សុភ័ណ្ឌ ទើបមានឱកាសថតភាពយន្តខ្នាតធំ និងរឿង ប្រវត្តិសាស្រ្ត ! 

២៩ កញ្ញា ២០២២ | កម្សាន្ដ

 

 

បុរសសង្ហាលោក ស៊ឹម សុភ័ណ្ឌ បានប្រលូកក្នុងសិល្បៈជាង ១០ ឆ្នាំមកហើយ ទើបតែមានឱកាសចូលរួមសម្តែងនៅក្នុងភាពយន្តខ្នាតធំមួយ និងរឿងប្រវត្តិសាស្រ្តមួយ ដែលត្រៀមនឹងដាក់បញ្ចាំងនៅក្នុងដើមឆ្នាំ ២០២៣ ខាងមុខ ។ 

 

ជាង ១០ ឆ្នាំក្នុងសិល្បៈ លោក ស៊ឹម សុភ័ណ្ឌ ធ្លាប់ឆ្លងកាត់ការសម្តែងរាប់មិនអស់ទាំងតួឯក តួរង និងតួអមឆាក ប៉ុន្តែសម្រាប់ឆ្នាំ ២០២២ នេះលោក មានឱកាសបានចូលរួមសម្តែងក្នុងភាពយន្តខ្នាតធំមួយរបស់ផលិតកម្ម LD  ព្រមទាំងបានចូលរួមសម្តែងនៅក្នុងរឿងប្រវត្តិសាស្រ្តរបស់សម្តេចតេជោ ហ៊ុន សែន ផងដែរ ។

 
តារាសម្តែងរូបនេះ ក៏ធ្លាប់លេចមុខក្នុងរឿងភាគរបស់ទូរទស្សន៍ ភីអិនអិន ក្នុងរឿងជាច្រើនផងដែរ ហើយស្នាដៃរបស់លោកនិមួយៗទទួលបានការសរសើរ និងការគាំទ្រច្រើនពីទស្សនិកជន ព្រោះលោកមិនត្រឹមតែមានរូបរាងស្រស់សង្ហាប៉ុណ្ណោះទេ ថែមទាំងមានទេពកោលស្យសម្តែងល្អដែលធ្វើឱ្យអ្នកដឹកនាំរឿងជាច្រើនស្រឡាញ់ពេញចិត្ត ។

 

 

សម្រាប់ឆ្នាំ ២០២២ នេះតារាសម្តែងខាងលើមានឱកាសបានចូលរួមសម្តែងនៅក្នុងរឿងប្រវត្តិសាស្រ្ត ខ្មែរ របស់សម្តេចតេជោ ហ៊ុន សែន ផងដែរដែលមានចំណងជើងថា « កូនប្រុសក្រោមពន្លឺព្រះចន្ទពេញបូណ៌មី » ។ នេះជាបទពិសោធថ្មីមួយដែលលោកមិនធ្លាប់ឆ្លងកាត់ពីមុនមក ។ 

 


 ស្របពេលកំពុងថតរឿង « កូនប្រុសក្រោមពន្លឺព្រះចន្ទពេញបូណ៌មី » តារាសម្តែង ស៊ឹម សុភ័ណ្ឌ ក៏បានចូលរួមថតក្នុងភាពយន្តខ្នាតធំមួយមានចំណងជើងថា « ថ្នាក់ទី ១២ ង » របស់ផលិតកម្ម LD ដែលត្រៀមនឹងដាក់បញ្ចាំងនៅដើមឆ្នាំ ២០២៣  ។

 


ស្នាដៃថ្មីនេះ ស៊ឹម សុភ័ណ្ឌ ត្រូវបានអ្នកដឹកនាំរឿងជ្រើសរើសសម្តែងជាតួឯក ខុសប្លែកពីសព្វដង តែទោះជាយ៉ាងណាក្តី ស៊ឹម សុភ័ណ្ឌ មិនដែលខ្វល់ពីរឿងតួឯក ឬតួរងនោះទេ សំខាន់ឱ្យតែនិយាយពីតម្លៃខ្លួនត្រូវគ្នា ។  

 


តារាសម្តែង ស៊ឹម សុភ័ណ្ឌ សង្ឃឹមថា តាមរយៈស្នាដៃថ្មីរបស់ខ្លួនដែលត្រៀមនឹងដាក់បញ្ចាំងនៅដើមឆ្នាំ ២០២៣ ខាងមុននឹងធ្វើឱ្យលោកលេចមុខខ្លាំងក្នុងវិស័យសម្តែង បន្ទាប់ពីស្ងាត់ក្នុងវិស័យនេះអស់ជា ច្រើនឆ្នាំដោយសារបញ្ហាជំងឺ កូវីដ ១៩ ៕ 

 

 

អត្ថបទ ៖ ម៉ា រីសា រូបភាព ៖ ហ៊ុន សុជាតា និង ហ្វេសប៊ុក 

 

ព័ត៌មានដែលទាក់ទង

© រក្សា​សិទ្ធិ​គ្រប់​យ៉ាង​ដោយ​ PNN ប៉ុស្ថិ៍លេខ៥៦ ឆ្នាំ 2024