ថ្ងៃព្រហស្បតិ៍ ទី០៦ ខែតុលា ឆ្នាំ២០២២

ផ្ទុះបាតុកម្មនៅប្រទេសអ៊ឺរ៉ង់ស្លាប់មនុស្ស៥នាក់ក្រោយស្ត្រីម្នាក់ស្លាប់ក្នុងពេលជាប់ឃុំឃាំង

២០ កញ្ញា ២០២២ | ព័ត៌មានអន្តរជាតិ

ក្រុមបាតុករ ប៉ះទង្គិចជាមួយប៉ូលីសនៅទូទាំងប្រទេសអ៊ឺរ៉ង់នៅថ្ងៃច័ន្ទ ខណៈមនុស្សរាប់ពាន់នាក់ចេញមកតវ៉ានៅតាមដងផ្លូវប្រឆាំងនឹងករណីស្ត្រីម្នាក់ស្លាប់នៅ កន្លែងឃុំឃាំង ក្រោយពីនាងត្រូវចាប់ខ្លួនដោយសារនាងបានល្មើសទៅនឹងក្បួនច្បាប់ស្លៀកពាក់ដ៏តឹងរឹង។

 

 

 

 

ពលរដ្ឋនៅទីក្រុងTehran ក៏ដូចជានៅតាមមហាវិទ្យាល័យនៅទូទាំងប្រទេសអ៊ឺរ៉ង់ បានចេញមកតវ៉ារយៈពេល៣ថ្ងៃជាប់គ្នា ដើម្បីប្រឆាំងទៅនឹងការស្លាប់ស្ត្រីអាយុ ២២ឆ្នាំម្នាក់មានឈ្មោះថា Masha Amini  ដែលបានស្លាប់នៅកន្លែងឃុំឃាំង។

 

មនុស្ស៥នាក់ ស្លាប់អំឡុងពេលបាតុកម្មនៅតំបន់Kurdish ប្រទេសអ៊ឺរ៉ង់ នៅថ្ងៃច័ន្ទ បន្ទាប់ពីកម្លាំងមានសមត្ថកិច្ចបើកការបាញ់ប្រហារទៅលើក្រុមបាតុករ។ ជាមួយគ្នាក៏មានការរាយការណ៍ពីការផ្ទុះការខឹងសម្បារខ្លាំងនៅពាសពេញបណ្តាញសង្គមអនឡាញផងដែរនៅទូទាំងទីក្រុងTehran និងតំបន់Kurdish។

 

Masha Amini  ស្លាប់នៅកន្លែងឃុំឃាំងនៅប៉ុស្តិ៍ប៉ូលីស។

 

នាង Masha Amini ត្រូវប៉ូលីសសីលធម៌របស់ប្រទេសអ៊ឺរ៉ង់ចាប់ខ្លួននៅថ្ងៃអង្គារមុន បន្ទាប់ពីបានរកឃើញថានាងបានល្មើស និងក្រមច្បាប់សម្លៀកបំពាក់ដ៏តឹងរឹង ដែលតម្រូវអោយស្ត្រីត្រូវមានក្រណាត់គ្របលើក្បាល។


 

 

 

 

នៅកន្លែងឃុំឃាំង នាងAmini ដួលសន្លប់ ហើយត្រូវបញ្ជូនទៅមន្ទីរពេទ្យយ៉ាងប្រញ៉ាប់ប្រញ៉ាល់។ នាងស្លាប់នៅមន្ទីរពេទ្យ។ ប៉ូលីសបដិសេធAmini រងការធ្វើទារុណកម្ម ដោយអះអាងថា នាងស្លាប់ដោយសារជំងឺគាំងបេះដូង។ ប៉ុន្តែគ្រួសាររបស់នាងនិយាយថា នាងមិនមានបញ្ហាសុខភាពឡើយ ហើយនាងមានសុខភាពល្អនៅពេលនាងត្រូវប៉ូលីសចាប់ខ្លួន។

 

ទាក់ទងនឹងបញ្ហានេះ លោក  Ebrahim Raisi  ប្រធានាធិបតីអ៊ឺរ៉ង់បាននិយាយជាមួយគ្រួសារAmini និងសន្យាថានឹងមានការស៊ើបអង្កេតពេញលេញមួយ។

 

 

 

 

ប្រែសម្រួល៖ណាវ័ន្ត

ព័ត៌មានដែលទាក់ទង

Copyright © 2016 PNN NEWS. All Rights Reserved.