ថ្ងៃព្រហស្បតិ៍ ទី២៨ ខែមីនា ឆ្នាំ២០២៤
ថ្ងៃព្រហស្បតិ៍ ទី២៨ ខែមីនា ឆ្នាំ២០២៤
រថយន្តយ៉ាងតិច១៣គ្រឿង និងហាងទំនិញមួយ ត្រូវបានបំផ្លិចបំផ្លាញក្នុងភ្នក់ភ្លើងក្នុងការវាយប្រហារមួយដែលបានកើតឡើងនៅរដ្ឋJalisco ប្រទេសMexico នៅយប់ថ្ងៃអង្គារ(៩សីហា)។ ករណីវាយប្រហារនេះ បានកើតឡើងបន្ទាប់ពីមានការប៉ះទង្គិចរវាងយោធា និងក្រុមឧក្រិដ្ឋជន។
ការប៉ះទង្គិចបានកើតឡើងនៅភាគខាងលិចរដ្ឋJalisco បន្ទាប់ពីមន្ត្រីមួយក្រុមបានសម្រុកចូលក្នុងកិច្ចប្រជុំមួយរបស់ក្រុមជួញដូរគ្រឿងញៀន។ ជាការតបតរត្រលប់មកវិញ ក្រុមឧក្រិដ្ឋជន បានបើកការវាយប្រហារជាច្រើននៅរដ្ឋJalisco និងរដ្ឋGuanajuato។
«ទំនងថាជាកិច្ចប្រជុំមួយរបស់ក្រុមឧក្រិដ្ឋជនជួញដូរគ្រឿងញៀន២ក្រុម ហើយមន្ត្រីប៉ូលីសពីក្រសួងការពារជាតិបានទៅដល់កន្លែងប្រជុំរបស់អ្នកទាំងនោះ។ មានការប្រឈមមុខដាក់គ្នា ហើយនិងការចាប់ខ្លួន។ ទាំងនេះហើយនាំអោយមានការតបតរត្រលប់មកវិញ ហើយឈានទៅដល់ការដុតកំទេចរថយន្តជាច្រើនគ្រឿង»។ នេះបើតាមការអោយដឹងពីលោក Andres Manuel Lopez Obrador ប្រធានាធិបតីប្រទេសMexico នៅព្រឹកថ្ងៃពុធ។
យោងអាជ្ញាធរប្រចាំរដ្ឋ Jalisco អោយដឹងថា ខ្មាន់កាំភ្លើងម្នាក់ត្រូវបានសម្លាប់និង៥នាក់ត្រូវចាប់ខ្លួន។
ការវាយប្រហារដោយការប្រើភ្លើងដុតបំផ្លាញ បានកើតឡើងនៅរដ្ឋGuanajuato ផងដែរ។ នៅរដ្ឋនេះ ខ្មាន់កាំភ្លើង២នាក់ត្រូវចាប់ខ្លួន។យោងអាជា្ញធរក្នុងតំបន់។
ប្រែសម្រួល៖ណាវ័ន្ត