ថ្ងៃសុក្រ ទី២៦ ខែមេសា ឆ្នាំ២០២៤
ថ្ងៃសុក្រ ទី២៦ ខែមេសា ឆ្នាំ២០២៤
មិនធ្លាប់ដឹងសោះថាតារាសម្តែង និន សុធារ៉ា មានកូនប្រុសធំពេញវ័យ ថែមទាំងជិតរៀបការ មានគូស្រករ តែនិយាយពីម្តាយនៅក្មេងខ្ចីមិនចាស់តាមវ័យឡើយ ជាង ២០ ឆ្នាំក្នុងសិល្បៈតារាទឹកភ្នែក និន សុធារ៉ា នៅតែមានរូបសម្រស់ស្រស់ស្អាត បើទោះបីជានាងមានកូនប្រុសធំពេញវ័យនិងជិតរៀបការក្តី តែសម្រស់នាងមិនមានការប្រែប្រួលឡើយ។
ជាក់ស្តែង បើមើលត្រឹមតែសំបកក្រៅ រូបរាង និង មុខមាត់ មិនដឹងសោះថា តារាសម្តែង និន សុធារ៉ា មានវ័យ ៤៣ ឆ្នាំ សូម្បីតែមិត្តរួមជំនាន់ម្នាក់ៗចាស់ៗអស់ហើយ នៅឡើយតែនាងមិនមានអ្វីប្រែប្រួលសោះ ។ ជួបជាមួយអ្នកនាង និន សុធារ៉ា កាលពីពេលថ្មីៗនេះ អ្នកនាងបានប្រាប់ថា ឆ្នាំនេះនាងមានអាយុ ៤៣ ឆ្នាំហើយ មើលទៅខ្លួនក៏ចាស់ជាងមុនដែរ គ្រាន់តែព្យាយាមតុបតែងខ្លួនឱ្យនៅក្មេង ព្រោះមិនចង់ចាស់ទៅតាមអាយុ ។
តារាសម្តែង និន សុធារ៉ា ក៏កំពុងមានទីផ្សារខ្ពស់ក្នុងអាជីពសម្តែង ជាក់ស្តែងថ្មីៗនេះនាងទទួលថតភាពយន្តច្រើនឱ្យផលិតកម្មក្នុងស្រុក មិនថារឿងភាគ ឬ រឿងដុំ នាងទទួលថតទាំងអស់ សំខាន់ឱ្យតែ អ្នកដឹកនាំរឿងជ្រើសរើសនាងសម្តែង ។
និន សុធារ៉ា ថា អាជីពសម្តែង គឺជាជីវិតរបស់នាង នាងមិនអាចបោះបង់អាជីពនេះ ចោលឡើយ ទោះបីជាវ័យនាងកានតែច្រើនក្តី នាងនឹងតស៊ូក្នុងវិស័យនេះតទៅមុខ បរាបណាទស្សនិកជននៅតែគាំទ្រនាង ។ ចំពោះប្រាក់ចំណូលវិញទោះបីជាមិនបានច្រើនលើសលុប តែនាងរីករាយនឹងទទួលយក ។
ជាមួយនិងការប្តេជ្ញាចិត្តបែបនេះ និន សុធារ៉ា ក៏ចង់ផ្លាស់ប្តូរការសម្តែងរបស់ខ្លួនឱ្យកាន់តែប្លែកជាងមុន ដែរ ដើម្បីទទួលបានប្រជាប្រិយភាព ។ក្រៅពីអាជីពសិល្បៈ និន សុធារ៉ា បានបើកអាជីវកម្មតូចមួយនៅផ្ទះដើម្បីបង្កើនប្រាក់ចំណូលចិញ្ចឹមគ្រួសារ ៕
អត្ថបទ ៖ ម៉ា រីសា រូបភាព ៖ ហ៊ុន សុជាតា