ថ្ងៃសុក្រ ទី២៩ ខែមីនា ឆ្នាំ២០២៤
ថ្ងៃសុក្រ ទី២៩ ខែមីនា ឆ្នាំ២០២៤
រដ្ឋាភិបាលនៃប្រទេសជប៉ុន នឹងផ្តល់ជំនួយអោយប្រទេសអាហ្គានីស្ថាន។ យោងអ្នកនាំពាក្យរដ្ឋាភិបាលនៅថ្ងៃព្រហស្បតិ៍(២៣មិថុនា)នេះ។ ការលើកឡើងពីការផ្តល់ជំនួយនេះ បានធ្វើឡើងក្រោយគ្រោះមហន្តរាយរញ្ជួយដីកម្លាំង៦រ៉ិចទ័រ បានកើតមានឡើង នៅតំបន់ភាគខាងកើតប្រទេសអាហ្គានីស្ថាន បណ្តាលអោយមនុស្សយ៉ាងតិច១០០០នាក់ស្លាប់ និងរាប់រយនាក់ផ្សេងទៀតរងរបួស។
មន្ត្រីជប៉ុនលោក Seiji Kihara បានថ្លែងក្នុងសន្និសីទសារព័ត៌មានយ៉ាងដូច្នេះថា យើងសូមចូលរួមរំលែកទុក្ខយ៉ាងក្រៀមក្រំចំពោះជនរងគ្រោះរញ្ជួយដីនៅប្រទេសអាហ្គានីស្ថាន នៅតំបន់ភាគខាងកើតប្រទេស។ ក៏ដូចជាបួងសួង អោយអ្នករងរបួស បានជាសះស្បើយឆាប់ៗ។ អ្នកនាំពាក្យដដែលរូបនេះបន្តថា បច្ចុប្បន្ន យើងកំពុងសហការជាមួយអង្គការអន្តរជាតិដើម្បីប្រមូលព័ត៌មានពីតម្រូវការ ដូច្នេះយើងអាចយើងអាចផ្តល់ជំនួយចាំបាច់ឆាប់រហ័ស»។
មន្ត្រីគ្រប់គ្រងគ្រោះមហន្តរាយរបស់ប្រទេសអាហ្គានីស្ថាន បាននិយាយថា ចំនួនមនុស្សស្លាប់ដោយសារគ្រោះមហន្តរាយរញ្ជួយដីនៅអាហ្វហ្គានីស្ថានកាលពីថ្ងៃពុធ (២២ មិថុនា) បានកើនឡើងដល់ ១០០០ នាក់ និងមានមនុស្សរងរបួសជាង ៦០០ នាក់ ហើយចំនួនអ្នកស្លាប់រំពឹងថា នឹងកើនឡើង ខណៈព័ត៌មាននៅបន្តទទួលបានមកពីភូមិភ្នំដាច់ស្រយាល។
ប្រែសម្រួល៖ណាវ័ន្ត