ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
កម្មវិធីមហោមហោស្រពភាពយន្តទីក្រុងកានដែលជាព្រឹត្តិការណ៍មហោស្រពភាពយន្តល្បីបំផុតលើពិភពលោកបានត្រលប់មកប្រារព្ធដើមវិញ ក្រោយត្រូវជំងឺកូវីដ១៩រំខានអស់រយៈពេលពីរឆ្នាំ។
តារាសម្ដែង ផលិតករភាពយន្ត និងអ្នកលេងម៉ូដសំលៀកបំពាក់ល្បីៗ បានវិលមកជួបគ្នាសាជាថ្មីលើកម្រាលព្រំក្រហមនៃកម្មវិធីមហោស្រពភាពយន្តទីក្រុងកានលើកទី៧៥ ដែលនឹងរៀបចំរហូតដល់ថ្ងៃទី២៨ ខែឧសភា នៅទីក្រុងកាន ប្រទេសបារាំង។
តារាសម្ដែងល្បីៗដែលបានបង្ហាញវត្តមានលើកម្រាលព្រំក្រហមមានដូចជាតារាស្រី Julianne Moore (ជូលៀន ម័រ), តារាស្រី Lashana Lynch (ឡាហ្សាណា លីនឈ៍), តារាស្រី Eva Longoria (អេវ៉ា ឡុងហ្គោរៀ) រួមជាមួយតារាប្រុស Forest Whitaker (ហ្វ័រ៉េស វាយធេកឃឺ) ដែលនឹងឡើងទទួលពានរង្វាន់ស្លឹកមាសសម្រាប់អាជីពជាតារាសម្ដែងនៅឆ្នាំនេះ។
ក្រុមគណៈវិនិច្ឆ័យសំខាន់ក្នុងឆ្នាំនេះដែលមានការចូលរួមពីសិល្បករមកពីច្រើនប្រទេស និងបានដឹកនាំដោយតារាសម្ដែងបារាំង Vincent Lindon (វីនសិន លីនដុន) ពួកគេនឹងជាអ្នកជ្រើសរើសភាពយន្តដែលឈ្នះពានរង្វាន់។
នៅមានក្រុមគណៈវិនិច្ឆ័យពីរផ្សេងទៀតក៏ចូលរួមចំណែកក្នុងការរើសយកអ្នកផងដែរនោះ ដែលមានដឹកនាំដោយតារាសម្ដែងអេស្ប៉ាញ និងតារាសម្ដែងអ៊ីតាលី។
គួរដឹងថាមហោស្រពភាពយន្តធំជាងគេក្នុងលោកនេះ បានវិលត្រលប់មកកាន់ប្រតិទិនដើមរបស់ខ្លួនវិញ ក្រោយជំងឺកូវីដ១៩បង្អាក់ដំណើរអស់រយៈពេលពីរឆ្នាំ ហើយការវិលត្រឡប់នេះបានផ្ដល់ជាក្ដីសង្ឃឹមថាការទស្សនាភាពយន្តតាមរោងភាពយន្តនឹងមានកំណើនឡើងវិញ៕
ប្រែសម្រួល៖ វ៉ាន់ថន