ថ្ងៃសៅរ៍ ទី២០ ខែមេសា ឆ្នាំ២០២៤
ថ្ងៃសៅរ៍ ទី២០ ខែមេសា ឆ្នាំ២០២៤
ស្របពេលដែលសហរដ្ឋអាមេរិកបានកត់ត្រាអំពីអ្នកស្លាប់ទីមួយលាននាក់ដោយសារជំងឺកូវីដ១៩ ពលរដ្ឋនៃប្រទេសនេះបានចាប់ចិត្តលើទំនោរថ្មីមួយដោយយកធាតុអ្នកស្លាប់មកច្នៃចេញជាត្បូងពេជ្រ សម្រាប់ប្រើជាខ្សែក និងគ្រឿងអលង្ការផ្សេងៗទៀត។
ការចូលមកដល់នៃជំងឺរាតត្បាតកូវីដ១៩បានធ្វើឲ្យការបូជាសាកសពទទួលបានការនិយមជាងការកប់ ហើយក្នុងនោះដែរអ្នកដែលជាសាច់ញាតិនៃសពបាននាំគ្នាងាកមកចាប់អារម្មណ៍នឹងទំនោរថ្មី ដែលជាការយកធាតុច្នៃចេញជាត្បូងពេជ្រប្រើជាមួយគ្រឿងអលង្ការ។
បច្ចុប្បន្ននេះមានក្រុមហ៊ុនពីរកំពុងតែឈានមុខក្នុងការផ្ដល់សេវាកម្មកែច្នៃធាតុទៅត្បូងពេជ្រ ដែលមានក្រុមហ៊ុន LifeGem (ឡាយ ជេម) មានមូលដ្ឋាននៅរដ្ឋ Illinois (អីលលីណយស) និងមួយទៀតគឺក្រុមហ៊ុន Eterneva (អីធើណេវ៉ា) ដែលមានមូលដ្ឋាននៅទីក្រុង Austin (អូស្តីន) រដ្ឋតិចសាស់។
តាមពិតទៅក្រុមហ៊ុន LifeGem (ឡាយ ជេម) ទទួលបានប៉ាតង់សម្រាប់ការកែច្នៃធាតុទៅជាត្បូងពេជ្រ តាំងពីឆ្នាំ២០០១មកម្ល៉េះ។ ដំណើរការនៃការកែច្នៃនេះគឺពឹងផ្អែកលើការប្រើប្រាស់កម្ដៅដ៏ក្ដៅ ដោយធាតុត្រូវបានដាក់នៅក្នុងម៉ាស៊ីនកិនភាគល្អិត ដើម្បីកិនយកសារធាតុកាបូនចេញ បន្ទាប់យកគេយកភាគល្អិតដែលនៅសេសសល់ពីការកិនយកទៅដាក់ក្នុងម៉ាស៊ីនផលិតពេជ្រតែម្ដង។
ដំណើរការនៃការកែច្នៃនេះមានខ្ទង់ចំណាយតិចជាងការរៀបចំពិធីបុណ្យសព្យទូទៅនៅសហរដ្ឋអាមេរិក ដោយវាមានតម្លៃចាប់ពីប្រមាណ ៣ពាន់ដុល្លារ៕
ប្រែសម្រួល៖ វ៉ាន់ថន