ថ្ងៃអង្គារ៍ ទី២៣ ខែមេសា ឆ្នាំ២០២៤
ថ្ងៃអង្គារ៍ ទី២៣ ខែមេសា ឆ្នាំ២០២៤
ការធ្វើតេស្តដ៏ម៉ត់ចត់មួយ រកជំងឺកូវីដ១៩ នៅក្នុងទីក្រុងវូហាន ប្រទេសចិន បានបង្ហាញថា ទីក្រុងនេះ នាពេលឥឡូវមានសុវត្ថិភាពខ្លាំងណាស់ ហើយក៏ត្រៀមរួចរាល់ជាស្រេចក្នុងការបើកសាលារៀន និងអាជីវកម្មទាំងអស់ឡើងវិញ។ នេះបើតាមការអោយដឹងពីអាជ្ញាធរសុខាភិបាលចិន។ វូហាន ជាទីក្រុងដែលប្រកាសពីវត្តមានជំងឺកូវីដ១៩មុនគេនៅក្នុងពិភពលោក។
នៅថ្ងៃទី១៤ឧសភា ទីក្រុងវូហានបានចាប់ផ្តើមយុទ្ធនាការធ្វើតេស្ត nucleic acid លើពលរដ្ឋស្ទើតែទាំងអស់ក្នុងទីក្រុងនេះដែលមានជិត១១លាននាក់។ ជាលទ្ធផលបានបង្ហាញថា រវាងថ្ងៃទី១៤ខែឧសភា ដល់ថ្ងៃទី១មិថុនា ទីក្រុងវូហានបានធ្វើតេស្តលើពលរដ្ឋច្រើនជាង៩លាននាក់(៩,៨៩៩,៨២៨នាក់)។ មានតែ៣០០នាក់ដែលមានបង្ហាញជាករណីរោគសញ្ញាជំងឺកូវីដ១៩។ លទ្ធផលតេស្តជាអំណះ
អំណាងល្អមួយសម្រាប់ទីក្រុងនេះកែសម្រួលវិធានការគ្រប់គ្រង និងបង្ការការឆ្លងជំងឺកូវីដ១៩ នៅកាន់ជំហានបន្ទាប់។ នេះបើតាមការអោយដឹងពីអាជ្ញាធរសុខាភិបាលចិន។
ថ្លែងក្នុងសន្និសិទសារព័ត៌មាន នៅថ្ងៃអង្គារ លោកស្រី Li Lanjuan អ្នកជំនាញជំងឺឆ្លងប្រទេសចិន បានលើកឡើងថា វូហានជាទីក្រុងមានសុវត្ថិភាពនាពេលឥឡូវនេះ ហើយសង្ឃឹមថា អ្នកទាំងអស់គ្នាជឿជាក់លើលទ្ធផលតេស្ត។
ប្រែសម្រួល៖ ទួត ណាវ័ន្ត