ថ្ងៃពុធ ទី២៤ ខែមេសា ឆ្នាំ២០២៤
ថ្ងៃពុធ ទី២៤ ខែមេសា ឆ្នាំ២០២៤
ក្រោយពីបានដឹងថា ប្រទេសអង់គ្លេសចង់បន្ថែមសិទ្ធិទិដ្ឋការ និងផ្តល់សញ្ជាតិអង់គ្លេសទៅអោយពលរដ្ឋហុងកុងដែលកាន់លិខិតឆ្លងដែនBNO លោកស្រី មីង វុង ជាអ្នករស់នៅទីក្រុងហុងកុងក៏បានយកឱកាសនេះស្នើសុំលិខិតឆ្លងដែនថ្មី ជំនួសលិខិតឆ្លងដែនរបស់លោកស្រីដែលបាត់ទៅ។
រឿងរ៉ាវដែលជម្រុញអោយអង់គ្លេសចង់បន្ថែមសិទ្ធិទិដ្ឋការអោយពលរដ្ឋហុងកុងកាន់លិខិតឆ្លងដែនBNO កើតឡើងបន្ទាប់ពីរដ្ឋាភិបាលទីក្រុងប៉េកាំងអនុវត្តន៍ច្បាប់សន្តិសុខជាតិលើទីក្រុងហុងកុង។ ហុងកុងទីក្រុងអតីតដែនដីអាណានិគមនិយមអង់គ្លេស មានពលរដ្ឋ៣សែននាក់កាន់លិខិតឆ្លងដែន BNO ។
លោកស្រីវុង អាយុ៣៩ឆ្នាំ មានកូន២នាក់លើកឡើងថា «លោកស្រី ចាប់ផ្តើមពាក្យសុំនៅខែធ្នូឆ្នាំមុន ក្រោយបាតុកម្ម ប៉ុន្តែច្បាប់សន្តិសុខជាតិបានជម្រុញ អោយលោកស្រីប្រញ៉ប់ប្រញ៉ាល់ បន្តពាក្យស្នើសុំអោយបានលិខិតឆ្លងដែនឆាប់ៗ។ ក្រុមគ្រួសារ ឳពុកម្តាយ និងបងប្អូនលោកស្រីក៏បានស្នើសុំលិខិតឆ្លងដែនBN(O)ផងដរ»។
លិខិតឆ្លងដែនBNO ជាលិខិតឆ្លងដែនសម្រាប់ពលរដ្ឋអង់គ្លេសនៅបរទេស និងត្រូវបានបង្កើតឡើងសម្រាប់ពលរដ្ឋទីក្រុងហុងកុងជាពិសេស នៅមុនពេលអង់គ្លេសប្រគល់ ទីក្រុងនេះអោយប្រទេសចិនគ្រប់គ្រងវិញនៅឆ្នាំ១៩៩៧។ ទោះជាលិខិតឆ្លងដែននេះ បានអនុញាតិអោយពលរដ្ឋហុងកុង ទៅកាន់ប្រទេសអង់គ្លេសបានរយៈពេល៦ខែ ប៉ុន្តែមិន បានផ្តល់សិទ្ធស្វ័យប្រវត្តិអោយពលរដ្ឋហុងកុងមានសិទ្ធិរស់នៅ និងធ្វើការនៅអង់គ្លេសឡើយ។
ប៉ុន្តែនៅពេលថ្មីៗនេះ រដ្ឋមន្ត្រីការបរទេសអង់គ្លេស លោក Dominic Raab និយាយថា អង់គ្លេស អាចនឹងផ្តល់សិទ្ធិបន្ថែមទៀតអោយពលរដ្ឋហុងកុងកាន់លិខិតឆ្លងដែនBNO ប្រសិនបើប្រទេសចិនអនុវត្តន៍ច្បាប់សន្តិសុខជាតិលើទីក្រុង ហុងកុង។
ប្រែសម្រួលដោយ៖ ទួត ណាវ័ន្ត
.jpg)
.jpg)
